Футбол бўйича Осиё Чемпионлар Лигаси гуруҳ босқичининг 3-турида “Навбаҳор” 23 октябрь, душанба куни Эроннинг “Нассажи Мозандарон” клубини 2:1 ҳисобида мағлуб этди.
Биринчи бўлим сўнггида Ризо Озоди Азим Аҳмедовнинг хатосидан унумли фойдаланиб, ҳисобни очди.
Иккинчи бўлимда эса Эрон клуби бир киши кам бўлиб қолди: 52-дақиқада Сабер Ҳардани Болтабоевга нисбатан қўпол ҳаракат қилди ва қизил карточка олди.
74-дақиқада эса Остон Ўрунов Жамшид Искандеровнинг узатмасидан сўнг ажойиб ҳаракатлар билан ўз ҳисобига гол ёздириб қўйди. Ўйин охирида эса Ўрунов рақиб жарима майдонига кириб бориб, тўпни марказга оширди. Тўп эса Меҳрдад Абдига тегиб, дарвозадан жой олди.
Шу тариқа ўйинда 2:1 ҳисобида наманганликлар ғалаба қозонди ва ОЧЛдаги мағлубиятсиз юришини давом эттирди.
Қуйида ушбу учрашувга оид суратлар тақдим этилади.
.jpg)
Изоҳ (0)