Ўзбекистонда илк бор Германиянинг халқаро REHAU холдинги ҳамда Марказий Осиёдаги йирик ром ишлаб чиқарувчи фабрика Imzo ҳамкорлик меморандумини имзолади.
Германиянинг REHAU халқаро холдинги Ўзбекистондаги энг йирик ром ва эшик тизимлари ишлаб чиқарувчи Imzo фабрикаси билан ҳамкорлик меморандумини имзолади. Эришилган келишувлар натижасида Ўзбекистонда илк бор жаҳонга машҳур немис бренди остида маҳсулотлар ишлаб чиқарилади.
Ҳамкорлик меморандуми Imzo’нинг Тошкент шаҳридаги бош офисида имзоланди. Шартномани имзолаш маросимига REHAU халқаро бизнесни ривожлантириш директори Томас Беттен ва компаниянинг топ-менежменти вакиллари ташриф буюришди.
Тадбир доирасида Imzo фабрикасига экскурсия ташкил этилди. Томас Беттен Imzo фабрикасининг технологик жиҳозлари, маҳсулот сифати ва фабрикада яратилган шарт-шароитларни юқори баҳолади. REHAU вакили Imzo билан ҳамкорлик ишлаб чиқариш ҳажмини янада ошириш имконини беришига ишонч билдирди.
Учрашув якунлари бўйича томонлар Тошкентдаги Imzo фабрикасида Германиянинг REHAU бренди остидаги ром тизимларини ишлаб чиқаришни ташкил этишга келишиб олдилар.
Тез орада Imzo фабрикаси Германия хом ашёсидан юқори немис сифат стандартларига мувофиқ ромлар ишлаб чиқаради.
REHAU компанияси ҳақида
REHAU Германиянинг етакчи компанияларидан бири бўлиб, қурилиш ва мебел саноати, шунингдек, автомобилсозлик саноати учун ечимлар ишлаб чиқишга ихтисослашган. Компания 1948 йилда Германиянинг Реҳау шаҳрида ташкил этилган. REHAU ҳозирда турли мамлакатларда фаолият олиб боради ва унда 20 000 дан ортиқ ходимлар ишлайди.
REHAU компанияси таркибига 41 та завод, 23 та маъмурий, 9 та тарқатиш марказлари, шунингдек, 105 та сотув офислари киради. Уларнинг аксарияти Европа шаҳарларида жойлашган. REHAU компаниясининг штаб-квартираси Германия ва Швейцариянинг бир қанча шаҳарларида жойлашган.
REHAU компанияси тақдим этган ечимлар бутун дунё бўйлаб йирик қурилиш лойиҳаларида қўлланилади. Бундан ташқари, Реҳау компанияси Boeing самолётлари учун материаллар етказиб берувчи ҳисобланади.
Imzo фабрикаси ҳақида
Imzo Марказий Осиёдаги ром ва эшик конструкцияларини ишлаб чиқарувчи йирик фабрикалардан бири. 160 000 квадрат метр майдонга эга. Фабрика ром тизимларини автоматлаштирлган Европа ускуналарида ишлаб чиқаради. Айни пайтда Imzo’да 1000 дан ортиқ юқори малакали мутахассислар ишлайди.
Imzo фабрикаси алюмин ва пластик профиллардан тайёрланган ромларнинг турли моделларини, шунингдек, сурилма ва фасад тизимлари ишлаб чиқаради. Фабриканинг йиллик ишлаб чиқариш ҳажми 1 миллион квадрат метрдан ортиқ. Тайёр маҳсулот Ўзбекистоннинг барча ҳудудларига етказиб берилади ҳамда экспортга йўналтирилади.
Imzo маҳсулотлари ҳақида батафсил маълумотларни фабрика алоқа марказига қўнғироқ қилиб ёки компаниянинг сайти ва ижтимоий тармоқлардаги расмий саҳифаларидан олишингиз мумкин.
Алоқа маркази: (+998) 71−207−77−77.
Сайт: www.imzo.uz
Реклама ҳуқуқи асосида.
Изоҳ (0)