O‘zbekistonda ilk bor Germaniyaning xalqaro REHAU xoldingi hamda Markaziy Osiyodagi yirik rom ishlab chiqaruvchi fabrika Imzo hamkorlik memorandumini imzoladi.
Germaniyaning REHAU xalqaro xoldingi O‘zbekistondagi eng yirik rom va eshik tizimlari ishlab chiqaruvchi Imzo fabrikasi bilan hamkorlik memorandumini imzoladi. Erishilgan kelishuvlar natijasida O‘zbekistonda ilk bor jahonga mashhur nemis brendi ostida mahsulotlar ishlab chiqariladi.
Hamkorlik memorandumi Imzo’ning Toshkent shahridagi bosh ofisida imzolandi. Shartnomani imzolash marosimiga REHAU xalqaro biznesni rivojlantirish direktori Tomas Betten va kompaniyaning top-menejmenti vakillari tashrif buyurishdi.
Tadbir doirasida Imzo fabrikasiga ekskursiya tashkil etildi. Tomas Betten Imzo fabrikasining texnologik jihozlari, mahsulot sifati va fabrikada yaratilgan shart-sharoitlarni yuqori baholadi. REHAU vakili Imzo bilan hamkorlik ishlab chiqarish hajmini yanada oshirish imkonini berishiga ishonch bildirdi.
Uchrashuv yakunlari bo‘yicha tomonlar Toshkentdagi Imzo fabrikasida Germaniyaning REHAU brendi ostidagi rom tizimlarini ishlab chiqarishni tashkil etishga kelishib oldilar.
Tez orada Imzo fabrikasi Germaniya xomashyosidan yuqori nemis sifat standartlariga muvofiq romlar ishlab chiqaradi.
REHAU kompaniyasi haqida
REHAU Germaniyaning yetakchi kompaniyalaridan biri bo‘lib, qurilish va mebel sanoati, shuningdek, avtomobilsozlik sanoati uchun yechimlar ishlab chiqishga ixtisoslashgan. Kompaniya 1948-yilda Germaniyaning Rehau shahrida tashkil etilgan. REHAU hozirda turli mamlakatlarda faoliyat olib boradi va unda 20 000 dan ortiq xodimlar ishlaydi.
REHAU kompaniyasi tarkibiga 41 ta zavod, 23 ta ma'muriy, 9 ta tarqatish markazlari, shuningdek, 105 ta sotuv ofislari kiradi. Ularning aksariyati Yevropa shaharlarida joylashgan. REHAU kompaniyasining shtab-kvartirasi Germaniya va Shveytsariyaning bir qancha shaharlarida joylashgan.
REHAU kompaniyasi taqdim etgan yechimlar butun dunyo bo'ylab yirik qurilish loyihalarida qo'llaniladi. Bundan tashqari, Rehau kompaniyasi Boeing samolyotlari uchun materiallar yetkazib beruvchi hisoblanadi.
Imzo fabrikasi haqida
Imzo Markaziy Osiyodagi rom va eshik konstruksiyalarini ishlab chiqaruvchi yirik fabrikalardan biri. 160 000 kvadrat metr maydonga ega. Fabrika rom tizimlarini avtomatlashtirlgan Yevropa uskunalarida ishlab chiqaradi. Ayni paytda Imzo’da 1000 dan ortiq yuqori malakali mutaxassislar ishlaydi.
Imzo fabrikasi alyumin va plastik profillardan tayyorlangan romlarning turli modellarini, shuningdek, surilma va fasad tizimlari ishlab chiqaradi. Fabrikaning yillik ishlab chiqarish hajmi 1 million kvadrat metrdan ortiq. Tayyor mahsulot O‘zbekistonning barcha hududlariga yetkazib beriladi hamda eksportga yo‘naltiriladi.
Imzo mahsulotlari haqida batafsil ma'lumotlarni fabrika aloqa markaziga qo'ng'iroq qilib yoki kompaniyaning sayti va ijtimoiy tarmoqlardagi rasmiy sahifalaridan olishingiz mumkin.
Aloqa markazi: (+998) 71−207−77−77.
Sayt: www.imzo.uz
Reklama huquqi asosida.
Izoh (0)