Макроиқтисодий ва ҳудудий тадқиқотлар институти (МҲТИ) мутахассислари 2023 йилнинг октябрь ойида Тошкент шаҳридаги йирик супермаркетларда 21 номдаги озиқ-овқат маҳсулотлари нархининг ўзгаришини кўриб чиқди.
Қайд этилишича, мониторинг натижалари 8 хил маҳсулот бўйича минимал нархлар ўтган ойдагига нисбатан пасайганини кўрсатган. Шундай қилиб, оқ карам нархи 61,5 фоиз, олма нархи 15,4 фоиз, сариқ пиёз нархи 10,3 фоиз, макарон нархи 4,7 фоиз, мол гўшти (филе) нархи 4,6 фоиз, ўсимлик мойи нархи 3,1 фоиз, лимон нархи 1,6 фоиз, бодринг нархи 1,3 фоиз пасайган.
Гуруч, шакар ва маргариннинг энг паст нархлари ўзгаришсиз қолган. 10 номдаги маҳсулот нархлари ошган. Нархининг ошиши бўйича помидор етакчи бўлди. Унинг энг паст нархи 5950 сўмдан 9990 сўмга кўтарилган. Банан ва сут нархи ҳам сезиларли даражада ошган: уларнинг нархи мос равишда 3000 сўмга ва 2110 сўмга ошган.
Июль ойида Марказий банкнинг пул-кредит сиёсати шарҳида минтақада сув танқислиги муаммоси жиддий тус олаётгани сабаб мева ва сабзавотлар нархи юқори тебраниши мумкинлиги айтилган эди.
Изоҳ (0)