Лионель Месси MLS тарихидаги рекорд нархдаги маошни олади. Лигадаги энг кўп маош олувчи футболчилар эълон қилинди

Лионель Месси MLS тарихидаги рекорд шартномани имзолаган.

Аргентиналик ҳужумчи июль ойида “Интер Майами” сафига ўтганди. MLS футболчилар ассоциацияси тасдиқлаган маълумотларга кўра, Месси лига тарихидаги энг юқори маошни олади.

Футболчининг базовий маоши йилига 12 миллион долларни ташкил этади, шунингдек, кафолатланган компенсация эса 20,4 миллион бўлади. 

Қайд этиб ўтиш жоиз, бу нархлар ичига Adidas ва Apple TV берадиган тўловлар кирмайди — улар ҳам ҳисобга олинса, Месси йилига 50-60 миллион доллар олади.

Лиганинг энг кўп маош олувчи футболчилари рўйхатида иккинчи ўринни “Торонто” ярим ҳимоячиси Лоренсо Инсинье эгаллаб турибди. Унинг маоши 7,5 миллион доллар, кафолатланган компенсация эса — 15,4 миллион доллар. Учинчи ўринда Жердан Шакири (“Чикаго Файр”) жой олган. Швейцариялик футболчининг маоши 7,35 миллион доллар/8,153 миллион долларни ташкил этади.

Серхио Бускетс (“Интер Майами”) маоши 1,5 миллион доллар, унинг жамоадоши Хорди Альба эса йилига 1,25 миллион доллар олади.