Малайзия пойтахтида камида 15 минг киши Фаластинни қўллаб-қувватлаш учун намойишга чиқди, деб хабар беради South China Morning Post (SCMP).
Нашр маълумотларига кўра, митинг иштирокчилари жума намозидан кейин Куала-Лумпурдаги марказий масжид атрофига йиғилиб, Фаластинни қўллаб-қувватлаб, Исроилнинг Ғазо секторидаги ҳаракатларини қоралашди. Улар Фаластин байроқларини кўтариб, шиорлар айтишди, шунингдек, норозилик сифатида Исроил байроғини ёқиб юборишди.
Мусулмонларни қўллаб-қувватлаш мақсадида мамлакат бўйлаб масжидларда дуо ўқилди. Митинг иштирокчиларидан бири Малайзиянинг собиқ бош вазири Муҳйиддин Яссин эди. У бошқа сиёсий арбоблар қатори йиғилганларга мурожаат қилди.
“Қайси сиёсий партиядан бўлишимиз муҳим эмас, биз ҳамжиҳатмиз”, —деди Муҳйиддин Яссин.
SCMP маълумотларига кўра, Малайзия кўп йиллардан бери ҲАМАС билан алоқада. Хусусан, Малайзия 2020 йилда ташкилотнинг юқори мартабали раҳбарларини қабул қилган.
Изоҳ (0)