Грузия пойтахти Тбилисида Исроилни қўллаб-қувватлаш бўйича митинг бўлиб ўтди. Унда юзлаб одамлар, жумладан, Грузияда яшовчи яҳудийлар иштирок этган.
Намойишчилар ҲАМАСнинг Исроилга ҳужумини қоралади ва қурбонлар хотирасини бир дақиқалик сукут билан ёд этди.
Грузияда фаолият юритувчи Исроил уйи асосчиси Исик Моше акцияни Грузия фуқаролари ташкил қилганини қайд этди.
“Бутун Грузия халқи Исроилни қўллаб-қувватлаб, терроризмга қарши норозилик билдирмоқда. Биз Исроил палатаси вакиллари сифатида кўплаб ташкилотларга ҲАМАСга террорчи ташкилот мақомини беришни сўраб мактуб йўлладик. Агар биргаликда шу йўлдан борсак, биз дунёни террорчилардан тозалаймиз”, — деди у.
Изоҳ (0)