Тадбиркор ва миллиардер Илон Маск Канада бош вазири Жастин Трюдони онлайн платформалар билан боғлиқ янги қоидаларнинг кучга кириши муносабати билан сўз эркинлигини йўқ қилишга уринаётганликда айблади.
Маск бу ҳақда Х ижтимоий тармоғидаги (собиқ Twitter) саҳифасида ёзган.
“Трюдо Канадада сўз эркинлигини йўқ қилишга уринмоқда. Бу уят”, — дея муносабат билдирди Маск Канада расмийларининг ҳаракатларига.
Канада радиоэшиттириш ва телекоммуникациялар комиссияси (CRТC) сентябр ойи охирида стримлар ва подкастлар учун янги қоидаларни эълон қилди. Унга кўра, йилига 10 миллион Канада долларидан (7,4 миллион АҚШ доллари) ортиқ даромад оладиган онлайн платформалар жорий йилнинг 28 ноябрига қадар рўйхатдан ўтиши керак.
Тушунтириш хатида қайд этилишича, рўйхатдан ўтиш талаблари ижтимоий тармоқлар ва бошқа онлайн хизматларга нисбатан қўлланади.
Изоҳ (0)