Оиласи билан БААга таътилга кетган россиялик учувчи Америка элчихонаси вакилларига таслим бўлди. Бу ҳақда “Досье Шпиона” хабар берди.
Россия Миллий гвардияси авиация эскадрони ҳарбий хизматчиси, Гавриченко исмли катта лейтенант сентябр ойи охирида тегишли таътилини олиб, Дубайга кетган. У ерда Гавриченко АҚШ элчихонасига келиб, Украинага қарши жанг қилишни истамагани учун ҳамкорлик қилишга тайёрлигини айтган.
Учувчининг қочишига унинг собиқ ҳамкасби, Иваново шаҳридаги парвоз ходимларини қайта тайёрлаш марказида хизмат қилган Антон Василев кўндирган бўлиши мумкин. Украинага ҳужумнинг бошида Василев Россияни тарк этиб, Лос-Анжелесга кўчиб ўтган. Ҳозир у Украина армияси учун ўқув лагерлари ташкил қилаётгани ва Америка разведкасига ёрдам бераётгани айтилмоқда.
Айни пайтда Россия федерал хавфсизлик хизмати Гавриченконинг БАА орқали қочиб кетгани сабабларини аниқламоқда: унинг ҳамкасблари сўроқ қилиниб, уйлари тинтув қилинмоқда. ФХХнинг фикрича, айнан Антон Василев Гавриченкони қочиш кераклигига ишонтирган.
Изоҳ (0)