Тошкентнинг қатор туманлари ҳудудида октябрь бошида иссиқ сув таъминоти бир неча кунга ўчирилади

Veolia Energy Tashkent компанияси иситиш мавсумига тайёргарлик доирасида таъмирлаш-профилактика ишларини олиб боради. Шу муносабат билан Мирзо Улуғбек, Яшнобод, Бектемир туманларининг қуйидаги манзилларида иссиқ сув таъминоти вақтинча тўхтатилади.

Бектемир туманида 2—6-октябр кунлари:

• Ҳ.Байқаро, Б.Нозима, Юқори Чирчиқ кўчалари.

Мирзо Улуғбек туманида 3—6-октябр кунлари:

• Қорасув-1, 2, 3, 4, 6, Бўз-2, Феруза даҳалари, Дўрмон йўли, Мингбулоқ, Темур Малик, Сўфизода, Мирзо Улуғбек ва Шўртепа кўчалари.

Яшнобод туманида 3—4-октябр кунлари:

• М. Ашрафий кўчаси;

9—13-октябр кунлари:

• Фарғона йўли кўчаси, тор ва берк кўчалари.

Veolia Energy Tashkent МЧЖ ХК вақтинчалик ноқулайликлар учун олдиндан узр сўрайди.

Аввалроқ Бектемир ва Учтепа туманларида табиий газ етказиб бериш, шунингдек, Сергели ва Бектемир туманларида электр энергияси таъминоти вақтинча тўхтатилиши тўғрисида хабар берилганди.