Ҳозирги кунда кино ва телевидениеда гримм ва турли усуллар ёрдамида актёрнинг қиёфасини таниб бўлмас даражада ўзгартира оладиган истеъдодли визажистлар ишлайди. Бироқ баъзи машҳурлар ҳали ҳам образига мослашишни афзал кўришади ва бунинг учун улар озишга, кал бўлишга ёки қошларини қирдиришга ҳам тайёр.
Никол Кидман — “Қасос вақти” (2018)
“Қасос вақти” триллерида актриса детектив Эрин Белл ролини ижро этган. Никол Кидман қаҳрамони шеригининг ўлими учун жиноий тўда аъзоларидан ўч олмоқчи. Детектив образи фильмнинг маъюс муҳитига жуда мос келади. Гримм ёрдамида Николнинг кўзлари чарчаган ва териси носоғлом кўринишга эга бўлди. Эрин Белл роли актрисага “Энг яхши аёл роли” номинациясида “Олтин глобус” мукофотини олиб келди.
Томас Броди-Сангстер — “Суперқаҳрамоннинг ўлими” (2011)
Суперқаҳрамоннинг ўлими – оғир касал бўлган 15 ёшли Дональд Кларк ҳақидаги драма. Бу образни ўйнаш учун Томас Броди-Сангстер сочини олдириб, қошларини бутунлай қириб ташлайди.
Майкл Фассбендер — “Очлик” (2008)
“Очлик” — ўлимга ҳукм қилинган маҳбуслар ҳақидаги тарихий драма. Бобби Сандс роли учун эса Майкл Фассбендер 16 кг вазн йўқотиши керак эди. “300 спарталик” (2006) фильмида унинг мушакдор гавдасини эслаганлар, айниқса, трансформациядан ҳайратда қолишади.
Эмма Томпсон — “Эпилог” (2001)
Эмма Томпсон том маънода таниб бўлмайдиган даражада ўз қаҳрамонларига қандай айланишни биладиган актрисадир. Бироқ 2001 йилда у туб ўзгаришлар қилишга қарор қилди: актриса “Эпилог” фильмида тухумдон саратони билан касалланган инглиз адабиёти профессори Вивиэн Беринг ролини ўйнаш учун сочини олдириб, қошларини оқартирди.
Натали Портман — “Гоя арвоҳлари” (2006)
“Оскар” мукофоти совриндори актриса Натали Портман “Гоя арвоҳлари” фильмидаги жирканч образни синаб кўришдан қўрқмади. Фильм аввалида унинг қаҳрамони ёш гўзал сифатида пайдо бўлса-да, фильм охирида у тубдан ўзгаради. Туҳмат сабаб у кўп йилларни қамоқда ўтказади, жозибасини йўқотади, соғлиғини ва ёшлигидан айрилади.
Хоакин Феникс — “Joker” (2019)
“Joker” фильмининг бош қаҳрамонини ўйнаш учун Хоакин Феникс 23 килога озиши керак эди. Вазн йўқотиш пайтида соғлиғини йўқотмаслик учун у ҳатто тиббий ёрдамга ҳам мурожаат қилади.
Зак Эфрон яқинда экранга чиқиши кутилаётган “Темир тирноқ” фильмида
Ушбу фильмда Зак Эфрон собиқ профессионал курашчи Кевин Вон Эрич ролини ижро этади. Картина ҳали суратга олинаётган бўлса-да, Закни аллақачон келишган қомати ва янги соч турмагида кўришган.
Аня Тейлор Жой — “Атлантида” (2013–2015)
Энг гўзал актрисаларидан бири ҳам тақир бош ва юзидаги чандиқлар билан экранда пайдо бўлишдан қўрқмади. Гап 2013 йилдан 2015 йилгача экранларга чиққан “Атлантида” фантастик сериали ҳақида кетмоқда.
Изоҳ (0)