ХХ асрнинг машҳур актрисаларидан бири Мег Райан ҳеч қачон актриса бўлишни хоҳламаган. Аммо истеъдодли кино юлдузи бутун Голливудни забт этишга муваффақ бўлди.
“Моҳир мерган”, “Жаннатмонанд ер”, “Гарри Саллини учратганда” ва “Сиэтллик қўшиқчилар” фильмларидаги роллар Мег Райанни бутун дунёга машҳур қилди. Энг зўр роллар, ўз даврининг энг истеъдодли режиссёрлари билан ишлаш, машҳурлик, муваффақият, юқоти гонорарлар, бой ошиқлар ва мухлислар армияси — унинг ҳаёти эртакка ўхшарди, актриса ҳаммасини йўқотишдан жуда қўрқарди... чунки у қариётган эди. Ҳаддан ташқари хавотиқ олганидан бир кечада карьерасини барбод қиладиган қарорни қабул қилади.
Ҳозирда актриса фильмларда рол ўйнамайди, янги ролларга таклиф қилинмайди, қизил гиламда-ку умуман кўринмайди. Бунга маълум даражада унинг пластик жарроҳликка мойиллиги таъсир кўрсатди. Ёшлигиданоқ актриса бурун, лаб, ёноқ, қошларини коррексия қилиш ва юзини торттириш учун операция столига қайта-қайта ётади.
Операциялар туфайли истарали ва нафис Мегнинг ташқи кўриниши қўпол бўлиб, бачканалашиб бораверди. Лаблар ҳажми ва шакли ўзгарди, териси юпқалашди.
Сокин, романтик комедияларнинг собиқ юлдузи Нью-Йорк кўчаларида папарацсилар нишонига айланганида 61 ёшли актрисани таниб олиш ҳақиқатан ҳам жуда қийин эди — пластик жарроҳлик уни ёшартирмай, аксинча ташқи қиёфасини қаритди, юзини эса ассиметрик қилиб қўйди. Мег ўзини ёшартиришга қанчалик уринмасин, мухлислар уни жарроҳлик аралашувлардан олдинги табиий ва самимий малласоч актриса сифатида эслашади.
Изоҳ (0)