Афсонавий шоумен Раж Капурнинг набираси ва машҳур Амитабх Баччаннинг набираси — Агастя Нанда актёрлик йўлини танлаганида, бу кўпчиликни ҳайратда қолдирди. Бир томондан, бу ақл бовар қилмайдиган нарса эмасди — унинг бобокалони ва бобоси бутун ҳаётини кинога бағишлаган, аммо бошқа томондан, Агастя ҳар доим кино саноатидан узоқда юрган.
У болалигининг кўп қисмини ота-онаси билан Нью-Деҳлида ўтказади, аввал мактаб-интернатда, кейин эса чет элда ўқийди, аммо вақтини суратга олиш майдончаларида ўтказмайди. Унинг отаси Никҳил Нанда бизнес билан шуғулланган, онаси Швета Баччан машҳурларнинг фарзанди бўлса ҳам, Болливудни ёқтирмаган.
“Болливуд — шафқатсиз дунё, мени унга аллергиям бор”, — деб тан олади у.
Агастя ҳеч қачон диққат марказида бўлмаган, лекин синглиси Навя Навелли, аксинча, камераларни яхши кўради. Кўпчилик Навя актриса бўлади, Агастя эса оилага тегишли фабрикани бошқаришни ўз зиммасига олади, деб тахмин қиларди. Аммо бунинг акси бўлди. Навя тадбиркорлик йўлини, Агастя эса кинони танлади — бу томошабинларни ҳайратда қолдирди.
Агастя Нанда 2000 йил 23 ноябрда Раж Капурнинг набираси ва Амитабх Баччан қизининг оиласида туғилган. Умуман олганда, у ҳинд киносидаги энг йирик иккита кланнинг авлоди: Капурлар ва Баччанлар ўртасидаги риштага айланди. Бироқ ота-онасининг муносабатлари идеал эмасди.
Ўсмирлик даврида Агастя ва синглиси мактаб-интернатга юборилади, шундан сўнг онаси Швета ота-онаси билан бирга яшаш учун Бомбейга қайтиб келади. Болалари яхши таълим олишади. 2019 йилда Лондондаги мактабни тугатган Агастя Ҳиндистонга қайтади.
У махсус маълумотга эга эмасди, аммо қонидаги генлар ўз таъсирини ўтказмай қолмади. Америкалик ўсмирлар ҳақидаги “Ривердейл” сериалини ҳинд тилига мослаштиришга тайёрланаётган Зоя Ахтар Агастяни бош қаҳрамон Арчи Эндрю ролига чақиради.
Қаҳрамоннинг дўстлари ролига Агастядек дебютантлар — Шридевининг қизи Ҳуши Капур ва Шоҳруҳ Хоннинг қизи Суҳана Хонни таклиф қилади.
“Ривердейл” фильмининг ҳинд тилидаги мослашуви Netflixъда 7 декабрда намойиш этилади. Аммо фильм ҳозирдан нафрат тўлқинига дуч келмоқда.
Ҳиндистонлик томошабинлар ёзишича:
“Прогрессив кино ўрнига Болливуддаги барча юлдузлар қатнашган фильмлар суратга олинмоқда. Мен томоша қилишдан олдин ҳукм чиқарадиган одам эмасман, лекин Арчи образи ҳинд маданиятидан бутунлай фарқ қилади. Бу фильм фақат юлдуз болаларнинг оилалари учун яратилган. Ўрта синф одамлари учун ҳам, оддий ҳинд томошабинлари учун ҳам эмас. Бу фильм бизга нимани ўргатади? Навбатдаги бемаънилик”.
Аммо режиссёр Зоя Ахтар халқаро аудиторияга умид қилаётганга ўхшайди. Жамоа яқинда Бразилияга ташриф буюриб, у ерда ҳам мухлислар орттирди. Агастя Нанда бобосининг ташқи кўринишини мерос қилиб олганлигини тан олиш керак. Капурлар оиласининг генлари эса деярли сезилмайди.
Бобоси Амитабҳ Баччан набираси билан фахрланади, ижтимоий тармоқларда ҳам унга омад тилаб, самимий тилаклар ёзади. Агастя аллақачон янги фильмдан таклиф олган, фильмда у Дҳармендра билан бирга рол ўйнайди.
Бу Ҳиндистоннинг олий ҳарбий мукофоти Парам Вир Чакранинг энг ёш лауреати — Арун Хетпалнинг ҳаёти ҳақида “21” номли биографик фильми. Картина дастлаб 2019 йилда эълон қилинган ва бош ролда Варун Дҳаван суратга тушиши керак эди.
Аммо фильм пандемия туфайли кечиктирилди, кейинчалик эса Дҳаван вақти йўқлиги сабаб бу ролни рад этади. Натижада мазкур рол Агастяга насиб этади. Бугунги кунда у Болливуддаги энг истиқболли актёр ҳисобланади.
Агастя Шоҳрух Хоннинг қизи Суҳана Хон билан учрашиб юради. Агар ёшлар муносабатларини никоҳ орқали мустаҳкамласа, уларнинг фарзандлари ҳам идеал генларга эга бўлади: Капурлар, Баччанлар ва Хонлар авлоди.
Изоҳ (0)