Novey раҳбари Маъруф Урунбоев ребрендингнинг мақсад ва вазифалари, компаниядаги янгиланишлар ва ўзгаришлар ҳақида маълумот берди.
Маълумки, бизнес оламида ўзгаришлар ва доимий рижовланиб бориш муваффақиятнинг ажралмас қисми ҳисобланади. Бугун бренд қанчалик машҳур бўлмасин, эртага у ўз мавқеини йўқотиши мумкин. Мавжуд талабни сақлаб қолиш учун доимий равишда барча жараёнларни такомиллаштириб бориши лозим.
Замонавий мобил технологияларни ишлаб чиқаришга ихтисослашган Novey компанияси ребрендинг жароёнини ўтказди ва бу унга жаҳон бозорида улкан режалар тузишга асос сифатида хизмат қилиши кутилмоқда. 2019 йилда тажрибали мутахассислар томонидан асос солинган Novey ўз маҳсулотларининг бир қатор ўзига хос хусусиятлари билан ном қозонган.
Novey маҳсулотларининг ўзига хос хусусиятларидан бири бу халқаро сифат стандартларига қатъий риоя қилишдир. Компания томонидан ишлаб чиқилган ва ишлаб чиқарилган ҳар бир қурилма замонавий технологияларнинг имкониятларини намойиш этади.
Novey бу ҳақиқатни ангалаган ҳолда ребрендинг амалга оширишга қарор қилди. Компания раҳбари Маъруф Урунбоевнинг таъкидлашича, ребрендинг компания тарихида ҳал қилувчи лаҳзага айланиши лозим. Эски стереотиплардан воз кечиш ва глобал эътирофга эришиш мақсадида Novey ўзининг стратегиялари, маҳсулотлари ва фалсафасини қайта белгилаб олди.
Маҳсулот линиясини қайта кўриб чиқиш
Дастлаб Novey иккита асосий маҳсулот сегментини таклиф қилар эди: классик ва премиум. Бироқ, вақт ўтиши билан компания ўз устуворликларини қайта кўриб чиқишга ва ўсиб бораётган талаб ва турли хил истеъмолчилар эҳтиёжларини қондириш учун маҳсулот қаторини кенгайтиришга қарор қилди. Аввалги бренд бу ўзгаришларнинг барчасини акс эттира олмас эди.
Янги бренд: Янги қадриятларнинг акси
Novey ребрендидаги энг сезиларли ўзгаришлардан бири бу янги логотипдир. Бу нафақат брендга замонавий қиёфа бахш этади, балки компаниянинг янги фалсафасини ҳам белгилайди. Novey маҳсулотлари фақат сотиш учун эмас, балки чин қалбдан ишлаб чиқарилади. Компания фалсафасидаги бу ўзгариш унинг истеъмолчиларга нафақат маҳсулотларни, балки иштиёқ билан яратилган ҳақиқий ечимларни тақдим этишга содиқлигини таъкидлайди.
Глобал амбициялар
Ребрендинг - жаҳон бозорига чиқиш каби катта мақсадлар билан ҳам боғлиқ. Аввалги бренд компания амбицияларига тўғри келмас эди ва Novey компанийсининг глобал саҳнада рақобатлашишга тайёрлигини таъкидлаш учун уни ўзгартириш тўғрисида қарор қабул қилинди.
Тизимли таҳлил ва тадқиқотлар
Ребрендингни амалга оширишдан олдин компания пухта бозор тадқиқотлари ва кенг кўламли аудит жараёнини ўтказди. Бу жараён жаҳон бозорида рақобатлашиш учун зарур бўлган асосий ўзгаришларни аниқлаш имконини берди. Ривожланишнинг стратегик йўналишларини белгилашда истеъмолчиларнинг хатти-ҳаракатлари ва глобал тенденцияларни таҳлил қилиш муҳим рол ўйнади.
Компания қадриятлари
Noveyнинг қадриятларига самарадорлик, ривожланиш ва инновациялар киради. Ушбу қадриятлар янги маҳсулотларни ишлаб чиқиш ва технологиялар оламида кучли бренд яратиш учун асос бўлди.
Noveyнинг ребрендинги унинг тарихидаги муҳим лаҳза сифатида қабул қилинмоқда, бу унинг амбициялари ва глобал технологиялар майдонида рақобатлашишга тайёрлигини таъкидлади. Янги бренд компаниянинг фалсафаси, қадриятлари ва интилишларини акс эттиради, истеъмолчиларга иштиёқ ва инновациялар билан яратилган замонавий маҳсулот ва хизматларни тақдим этади.
Шериклик ҳуқуқи асосида.
Изоҳ (0)