Novey rahbari Ma’ruf Urunboyev rebrendingning maqsad va vazifalari, kompaniyadagi yangilanishlar va o‘zgarishlar haqida ma’lumot berdi.
Ma’lumki, biznes olamida o'zgarishlar va doimiy rijovlanib borish muvaffaqiyatning ajralmas qismi hisoblanadi. Bugun brend qanchalik mashhur bo‘lmasin, ertaga u o‘z mavqeini yo‘qotishi mumkin. Mavjud talabni saqlab qolish uchun doimiy ravishda barcha jarayonlarni takomillashtirib borishi lozim.
Zamonaviy mobil texnologiyalarni ishlab chiqarishga ixtisoslashgan Novey kompaniyasi rebrending jaroyonini o‘tkazdi va bu unga jahon bozorida ulkan rejalar tuzishga asos sifatida xizmat qilishi kutilmoqda. 2019-yilda tajribali mutaxassislar tomonidan asos solingan Novey o‘z mahsulotlarining bir qator o‘ziga xos xususiyatlari bilan nom qozongan.
Novey mahsulotlarining o‘ziga xos xususiyatlaridan biri bu xalqaro sifat standartlariga qat’iy rioya qilishdir. Kompaniya tomonidan ishlab chiqilgan va ishlab chiqarilgan har bir qurilma zamonaviy texnologiyalarning imkoniyatlarini namoyish etadi.
Novey bu haqiqatni angalagan holda rebrending amalga oshirishga qaror qildi. Kompaniya rahbari Ma’ruf Urunboyevning ta’kidlashicha, rebrending kompaniya tarixida hal qiluvchi lahzaga aylanishi lozim. Eski stereotiplardan voz kechish va global e'tirofga erishish maqsadida Novey o'zining strategiyalari, mahsulotlari va falsafasini qayta belgilab oldi.
Mahsulot liniyasini qayta ko'rib chiqish
Dastlab Novey ikkita asosiy mahsulot segmentini taklif qilar edi: klassik va premium. Biroq, vaqt o'tishi bilan kompaniya o'z ustuvorliklarini qayta ko'rib chiqishga va o'sib borayotgan talab va turli xil iste'molchilar ehtiyojlarini qondirish uchun mahsulot qatorini kengaytirishga qaror qildi. Avvalgi brend bu o’zgarishlarning barchasini aks ettira olmas edi.
Yangi brend: Yangi qadriyatlarning aksi
Novey rebrendidagi eng sezilarli o'zgarishlardan biri bu yangi logotipdir. Bu nafaqat brendga zamonaviy qiyofa baxsh etadi, balki kompaniyaning yangi falsafasini ham belgilaydi. Novey mahsulotlari faqat sotish uchun emas, balki chin qalbdan ishlab chiqariladi. Kompaniya falsafasidagi bu o'zgarish uning iste'molchilarga nafaqat mahsulotlarni, balki ishtiyoq bilan yaratilgan haqiqiy yechimlarni taqdim etishga sodiqligini ta'kidlaydi.
Global ambitsiyalar
Rebrending - jahon bozoriga chiqish kabi katta maqsadlar bilan ham bog'liq. Avvalgi brend kompaniya ambitsiyalariga to‘g‘ri kelmas edi va Novey kompaniysining global sahnada raqobatlashishga tayyorligini ta’kidlash uchun uni o‘zgartirish to‘g‘risida qaror qabul qilindi.
Tizimli tahlil va tadqiqotlar
Rebrendingni amalga oshirishdan oldin kompaniya puxta bozor tadqiqotlari va keng ko’lamli audit jarayonini o'tkazdi. Bu jarayon jahon bozorida raqobatlashish uchun zarur bo‘lgan asosiy o‘zgarishlarni aniqlash imkonini berdi. Rivojlanishning strategik yo'nalishlarini belgilashda iste'molchilarning xatti-harakatlari va global tendentsiyalarni tahlil qilish muhim rol o'ynadi.
Kompaniya qadriyatlari
Noveyning qadriyatlariga samaradorlik, rivojlanish va innovatsiyalar kiradi. Ushbu qadriyatlar yangi mahsulotlarni ishlab chiqish va texnologiyalar olamida kuchli brend yaratish uchun asos bo'ldi.
Noveyning rebrendingi uning tarixidagi muhim lahza sifatida qabul qilinmoqda, bu uning ambitsiyalari va global texnologiyalar maydonida raqobatlashishga tayyorligini ta'kidladi. Yangi brend kompaniyaning falsafasi, qadriyatlari va intilishlarini aks ettiradi, iste'molchilarga ishtiyoq va innovatsiyalar bilan yaratilgan zamonaviy mahsulot va xizmatlarni taqdim etadi.
Sheriklik huquqi asosida.
Izoh (0)