Мудофаа вазирлиги олий ҳарбий таълим муассасаларига ўқишга қабул қилинган биринчи босқич курсантлар 24 сентябрь куни қасамёд қабул қилди. Вазирлик матбуот хизмати ушбу тантанали тадбирлардан олинган суратларни  “Дарё”га тақдим этди.

Хусусан, эрта тонгдан Қуролли Кучлар академиясида мазкур олий ҳарбий таълим муассасаси ва Ўзбекистон Қуролли Кучлари Ҳарбий тиббиёт академиясига янги қабул қилинган курсантлар ватанга қасамёд қабул қилди.

Тантанали тадбирда мудофаа вазирининг тарбиявий ва мафкуравий ишлар бўйича ўринбосари генерал майор Ҳамдам Қаршиев, Мудофаа вазирлиги Жамоатчилик кенгаши аъзолари, ҳарбий хизматчилар, ота-оналар ва курсантлар иштирок этди.

Чирчиқ олий танк қўмондонлик муҳандислик билим юртида бўлиб ўтган маросимда мудофаа вазирининг биринчи ўринбосари — Қуролли Кучлар бош штаби бошлиғи генерал майор Шуҳрат Холмуҳамедов иштирок этди.

Ўзбекистон олий ҳарбий авиация билим юрти, Ахборот-коммуникация технологиялари ва алоқа ҳарбий институтида ҳам қасамёд тантаналари юқори савияда ўтказилди.