Россия президенти Владимир Путин Шимолий Корея етакчиси Ким Чен Иннинг “мақбул вақтда” КХДРга ташриф буюриш ҳақидаги таклифини қабул қилди.
“Путин таклифни мамнуният билан қабул қилди ва Россия — КХДР ўртасидаги дўстлик тарихи ва анъаналарини сўзсиз давом эттириш истагини тасдиқлади”, — деб хабар берди Корея марказий телеграф давлат ахборот агентлиги (KCNA).
Путин ва Ким Чен Ин 13 сентябрь куни Россиянинг Узоқ Шарқидаги “Восточний” космодромида учрашди. Россия президенти билан расмий кечки зиёфат пайтида Ким уни Шимолий Кореяга ташриф буюришга таклиф қилди.
Бунгача икки давлат раҳбарлари “Восточний” космодромини кўздан кечириш чоғида мулоқот қилган, шундан сўнг аввалига делегациялар иштирокида, сўнгра юзма-юз музокаралар ўтказган.
Ўша куни эрталаб Путиннинг матбуот котиби Дмитрий Песков журналистларнинг Россия президентининг Пхеньян га эҳтимолий жавоб ташрифи ҳақидаги саволига жавобан, “ҳозирча бундай режалар йўқ”, деган.
Изоҳ (0)