Австралиянинг Сидней шаҳрида Ўзбекистон вақти билан 10 сентябрь тонгида UFC 293 мусобақаси ўтказилди.
Мусобақанинг марказий жанги ўрта вазн тоифасида UFC чемпиони, нигериялик Исраэл Адесаня ҳамда америкалик даъвогар Шон Стрикленд ўртасида кечди. 5 раундлик жанг тўлиқ давом этди ва унда ҳакамларнинг якдил қарори билан 49:46, 49:46, 49:46 ҳисобида Стрикленд ғалаба қозониб, ўрта вазн чемпионига айланди.
Оғир вазн тоифасида австралиялик Тай Туиваса ҳамда россиялик Александр Волков тўқнаш келди. 3 раундлик жангнинг 2-раундида Волков рақибини сабмишен орқали мағлубиятга учратди.
Турнирнинг асосий жанглари:
Шон Стрикленд очколар эвазига Исраэл Адесаняни мағлуб этди;
Александр Волков 2-раундда сабмишен билан Таи Туйвасани енгди;
Манел Капе очколар эвазига Филипе дос Сантосни ютди;
Жастин Тафа 1-раундда Остин Лейнни нокаут қилди;
Тайсон Педро 1-раундда Антон Туркалжни нокаут қилди.
Изоҳ (0)