Бугун, 2 сентябрь куни Тошкент шаҳрида отлиқ кавалерия паради бўлиб ўтади. Бу ҳақда Миллий гвардиянинг пойтахт бўйича бошқармаси хабар берди.
Маълум қилинишича, тадбир мустақилликнинг 32 йиллиги муносабати билан “Янги ҳаёт учун, Янги Ўзбекистон учун” шиори остида ўтказилади.
Парад соат 18:00 да куч тузилмалари ва Ўзбекистон йилқичилик ва от спорти федерацияси ҳамкорлигида Амир Темур хиёбони бўйлаб бўлиб ўтади.
Эслатиб ўтамиз, Тошкент шаҳрида Наврўз умумхалқ байрами муносабати билан 18 март куни ўтказилган Отлиқ кавалерия паради сабаб қатор кўчалар автомобиллар ҳаракати учун вақтинча ёпилганди.
Изоҳ (0)