Хитой раҳбари Си Цзиньпин сентябрь бошида Ҳиндистонда бўлиб ўтадиган G20 (Йигирматалик гуруҳи) давлатлари саммитида қатнашмайди. Бу ҳақда саммитга тайёргарлик жараёни билан таниш Хитой ва Ҳиндистондаги манбалар Reuters агентлигига хабар берди.
Си Цзиньпин ўрнига, агентлик суҳбатдошларига кўра, бош вазир Ли Сян Хитой делегациясига бошчилик қилади.
Си Цзиньпиннинг саммитга бормаслиги сабаблари ҳозирча номаълум.
Аввал Кремль матбуот хизмати Россия президенти Владимир Путин Ҳиндистонда бўлиб ўтадиган G20 саммитида қатнашмаслигини маълум қилганди. Россия делегациясига Россия ташқи ишлар вазири Сергей Лавров бошчилик қилади.
Путин октябрь ойида Хитойга “Бир камар, бир йўл” форумида иштирок этишни режалаштирмоқда. Агар сафар амалга оширилса, бу Путиннинг Халқаро жиноий суд уни ҳибсга олишга ордер берганидан кейинги биринчи хорижий ташрифи бўлади.
Август ойида Си Цзиньпин Жанубий Африкада BRICS саммитида иштирок этди. Путин эса саммитда видео ҳавола орқали қатнашди. Жанубий Африка ҳукумати Путин мамлакатга ташриф буюрган тақдирда ҳибсга олиниши мумкинлигидан огоҳлантирган.
Изоҳ (0)