Профессионал бокснинг биринчи ярим енгил вазн тоифасида собиқ жаҳон чемпиони Муроджон Аҳмадалиев навбатдаги рақибига аниқлик киритилди.
WBA ташкилоти Муроджон Аҳмадалиев ва мексикалик Кевин Гонсалес жангига буйруқ берди.
WBA камари учун якуний Eliminator сифатида ўтадиган жангда Муроджонга Томоки Камеда рақиб бўлиши керак эди. Бироқ япониялик боксчи бошқа вазнга ўтаётгани сабабли Аҳмадалиевнинг рақиби ўзгарди.
WBA ҳар икки жангчи келишувга эришиши учун 30 кун муддат берди. Келишувга эришилмаган тақдирда, ташкилот ҳар иккала боксчи учун 50 фоиздан гонорар тақсимланишини таклиф қилади.
Муроджон фаолияти давомида 12 та жанг ўтказиб, 11 тасида ғалаба қозонган. Ўзбекистонлик боксчи апрель ойида филиппинлик Марлон Тапалесга қарши жангда мағлубиятга учраб, WBA ва IBF камарларини бой берганди.
Кевин Гонсалес эса проф боксда 26 та жанг ўтказиб, 25 тасида ғалаба қозонган. Битта жангда эса дуранг натижа қайд этилган.
Изоҳ (0)