Шавкат Мирзиёев келгуси йилдан мактаб директорларининг ойлигини ошириш бўйича топшириқ бергани ҳақида хабар берилганди. Президент уларнинг ойлиги нега бу йилдан эмас келгуси йилдан оширилишига изоҳ берди.
Йиғилиш давомида президент Самарқанддаги мактаб директори билан суҳбатлашди. Суҳбат давомида директорларнинг маоши оширилиши юзасидан ҳам изоҳ бериб ўтилди.
“Сувни ичволинг, ҳаяжонланманг, биз оддий суҳбат қиляпмиз. Мен бугун ҳам қўл қўйишим мумкин, лекин коррупциядан қўрқаман. Барибир келамиз шунга, лекин меҳнатимиз билан келайлик”, — деди президент мактаб директори билан суҳбатда.
Келгуси йилдан сертификациядан ўтган директорлар ойлигини 50 фоизга, ўринбосарлар иш ҳақини эса 30 фоизга ошириш бўйича ҳисоб-китоблар киритилиши белгиланди. Бунда, келгуси йил бюджетидан 500 миллиард сўм назарда тутилади.
Шавкат Мирзиёев йиғилишда 10 миллион ойлик олишга ҳамма ўқитувчининг ҳаққи борлигини таъкидлаган.
“Бу яхши, лекин жуда кам. Ҳамма ўқитувчи ўз устида ишлаб, чет тилини билиб, математика, физика ва бошқа фанлардан сертификатларни олсин. Марҳамат, 10 миллион ойлик олишга ҳамма ўқитувчининг ҳаққи бор”, — дейди Шавкат Мирзиёев.
Изоҳ (0)