Олий суд Маъмурий судларга шикоят қилиш тартиби соддалаштирилиши муносабати билан “Давлат божи тўғрисида”ги қонунига қўшимчалар киритиш тўғрисидаги қонун лойиҳасини муҳокамга қўйди.
Лойиҳада давлат органлари ва бошқа ташкилотларнинг, улар мансабдор шахсларининг қонунга хилоф қарорлари, ҳаракатлари ва ҳаракатсизлиги устидан маъмурий судларга шикоят қилиш тартибини соддалаштириш, бунда маъмурий судларга шикоят қилишда фуқаролардан давлат божини олдиндан ундирмасдан, давлат божини ишни кўриб чиқиш натижаси бўйича айбдор тарафдан ундириш тартиби назарда тутилмоқда.
Таклиф этилаётган қўшимчалар:
- фуқароларнинг Конституцияда белгиланган суд орқали ҳимоя қилиниш ва судга шикоят қилиш ҳуқуқи кафолатларини янада кучайтиришга;
- фуқароларни бузилган ҳуқуқ ва эркинликлари ҳамда қонуний манфаатлари янада ишончли ҳимоя қилинишига, одил судловга эришиш даражасини янада оширишга;
- фуқаролар эътирозларининг олдини олишга эришилади.
Олий Мажлис Сенатининг июнь ойидаги қирқ иккинчи ялпи мажлисида “ъДавлат божи тўғрисидаъги Ўзбекистон Республикаси қонунига ўзгартиш ва қўшимчалар киритиш ҳақида”ги қонун лойиҳаси кўриб чиқилганди. Ундан олдин “Давлат божи тўғрисида”ги қонунга киритилган ўзгартиришга кўра, Қорақалпоғистондаги нодавлат таълим ташкилотларининг ўқув жараёнига жалб этиладиган чет эл мутахассислари (ўқитувчилари) 2027 йил 1-октябргача Консуллик йиғимини ҳамда Доимий яшаш ва вақтинча турган жойи бўйича рўйхатдан ўтказганлик учун давлат божини тўлашдан озод қилинди.
Изоҳ (0)