Oliy sud Maʼmuriy sudlarga shikoyat qilish tartibi soddalashtirilishi munosabati bilan “Davlat boji to‘g‘risida”gi qonuniga qo‘shimchalar kiritish to‘g‘risidagi qonun loyihasini muhokamga qo‘ydi.
Loyihada davlat organlari va boshqa tashkilotlarning, ular mansabdor shaxslarining qonunga xilof qarorlari, harakatlari va harakatsizligi ustidan ma’muriy sudlarga shikoyat qilish tartibini soddalashtirish, bunda ma’muriy sudlarga shikoyat qilishda fuqarolardan davlat bojini oldindan undirmasdan, davlat bojini ishni ko‘rib chiqish natijasi bo‘yicha aybdor tarafdan undirish tartibi nazarda tutilmoqda.
Taklif etilayotgan qo‘shimchalar:
- fuqarolarning Konstitutsiyada belgilangan sud orqali himoya qilinish va sudga shikoyat qilish huquqi kafolatlarini yanada kuchaytirishga;
- fuqarolarni buzilgan huquq va erkinliklari hamda qonuniy manfaatlari yanada ishonchli himoya qilinishiga, odil sudlovga erishish darajasini yanada oshirishga;
- fuqarolar e’tirozlarining oldini olishga erishiladi.
Oliy Majlis Senatining iyun oyidagi qirq ikkinchi yalpi majlisida “‘Davlat boji to‘g‘risida’gi O‘zbekiston Respublikasi qonuniga o‘zgartish va qo‘shimchalar kiritish haqida”gi qonun loyihasi ko‘rib chiqilgandi. Undan oldin “Davlat boji to‘g‘risida”gi qonunga kiritilgan o‘zgartirishga ko‘ra, Qoraqalpog‘istondagi nodavlat taʼlim tashkilotlarining o‘quv jarayoniga jalb etiladigan chet el mutaxassislari (o‘qituvchilari) 2027-yil 1-oktabrgacha Konsullik yig‘imini hamda Doimiy yashash va vaqtincha turgan joyi bo‘yicha ro‘yxatdan o‘tkazganlik uchun davlat bojini to‘lashdan ozod qilindi.
Izoh (0)