Машҳур ва мафтункор турк актрисаси Ҳанде Эрчел ва бой меросхўр, спортчи Ҳакан Сабанжининг муносабатларидан кўпчилик хабардор. Жуфтликнинг ўртасидаги муносабатлар қандай пайдо бўлган ва уларга бу борада нима тўсқинлик қилди? Қуйида шу ҳақда маълумот берилади.
Ҳакан Сабанжининг шахсий ҳаёти
Ҳакан Сабанжи 1991 йилнинг 14 февраль санасида Истанбулда туғилган. Унинг бўйи 175 сантиметрни, вазни эса 65 килони ташкил қилади. У Туркиядаги энг бой оилалардан бирининг меросхўри ҳисобланади. Сабанжилар денгиз ва авиацияга ихтисослашган Denса Holding’га эгалик қилади. Оиланинг умумий бойлиги 1 миллиард доллардан ошади. Ҳаканнинг отаси Омер Сабанжи бизнес билан шуғулланади. Унинг Керим ва Ҳожи исмли укалари бор.
Ҳакан ёшлигидан оилавий тадбиркорлик билан шуғулланиб, футболга меҳр қўйган. У “Бешиктош” жамоасига мухлислик қилади. Шунингдек, кичик Сабанжи севимли жамоасини ўз ичига олган спорт клубининг бошқарувчи аъзоси ҳисобланади.
Ёш тадбиркор ҳар доим ижтимоий тадбирларда меҳмон бўлади ва турк матбуоти унинг шахсий ҳаётидаги янгиликларни диққат билан кузатиб боради. У таниқли турк хонандаси Ҳадисе, актрисалар Мерве Болуғур ва Жансу Мелис Каракуш, модел Дидем Сойдан билан муносабатда бўлган. Бироқ унинг Ҳандедан аввалги машҳурлар билан муносабати узоққа бормаган. Ҳанде ва Ҳаканнинг муносабатлари эса уларнинг ҳеч бирига ўхшамади.
Ҳанде Эрчел Ҳакандан аввал кимлар билан муносабатда бўлган?
Ҳанде Эрчел — машҳур турк актрисаси, “Туркия гўзали” унвони ғолиби ва Тоp Beauty World маълумотларига кўра, 2018—2020 йилларда дунёдаги энг гўзал аёл.
Ҳанде Эрчел “Эшигимни қоқ” сериалининг суратга олиш жараёнида партнёри Серкан Болат ролини ижро этган Керем Бурсин билан ишқий муносабатларни бошлади. Жуфтлик муносабатларини 2021 йилда тасдиқлади.
Дастлаб, сериал томошабинлари бу лойиҳани тарғиб қилиш учун навбатдаги ҳаракат эканлигига ишонди, бироқ кейинчалик муносабатларнинг ҳақиқий экани маълум бўлди.
Керемнинг жиддий ниятларига кўпчилик ишонди, жумладан, Ҳанде ҳам. Бироқ, афсуски, 2022 йилнинг февраль ойида жуфтлик ҳеч қандай тушунтиришсиз ажрашди, бунга Эрчелнинг рашки сабаб бўлгани ҳақида миш-мишлар тарқалди.
Актриса бошқа ҳамкасблари билан муносабатда бўлгани ҳақида миш-мишлар тарқалди. Ҳанде ҳақиқатан ҳам актёр Каан Йилдирим билан муносабатда эди. Кейинчалик Ҳанденинг янги севгилиси Ҳакан Сабанжи экани маълум бўлди.
Ҳакан ва Ҳанде ўртасидаги муносабатлар
Ҳанде Эрчел ва Ҳакан Сабанжи ўртасидаги муносабатлар ҳақидаги илк хабар Takvim’да пайдо бўлди, журналистлар инсайдерларга таяниб, жуфтлик Янги йил байрамини актрисанинг уйида бирга нишонлагани ҳақида хабар берди.
Март ойида ҳам турк оммавий ахборот воситалари “Эшигимни қоқ” фильмидаги актриса ва унинг севгилиси дам олиш учун Финляндияга учиб кетишгани ҳақида ёзган эди. Аниқлик киритилишича, Сабанжилар оиласи бу сафарга қарши бўлиб, Ҳаканга шахсий самолёт бермаган, шу боис машҳурлар шахсий ҳаётини сақлаб қолиш мақсадида оддий авиакомпанияда учишга мажбур бўлган. Аэропортдан олинган кадрлар оммавий ахборот воситаларида тарқалган, бироқ, Ҳакан ва Ҳанде муносабатлари ҳақида ҳеч қандай маълумот бермаган.
Орадан кўп ўтмай, жуфтликни Копенгагенда “қўлга олишди” ва апрель ойида турк матбуоти Ҳакан ота-онасининг норозилигига қарамай, яхта сотиб олгани ва ўз севгилиси билан унутилмас ёзни ўтказмоқчи эканлиги ҳақида хабар берди.
Нима сабабдан Ҳаканнинг ота-онаси Ҳанде билан унинг муносабатига қарши эди?
Арзу ва Омер Сабанжилар ток-шоуларга бормайди ва ўғиллари ҳақида шикоят қилмайди, бироқ инсайдерларнинг фикрига кўра, ҳаммаси оддий — Сабанжилар оиласи машҳур актрисанинг Ҳакан билан муносабатлари узоққа бормаслигига ишончи комил эди. Ҳатто турк газеталарида Эрчел меросхўр билан фақат унинг молиявий аҳволи туфайли қизиқиб қолгани ҳақида мақолалар пайдо бўлди — Арзу бундай нашрларга буюртма бергани ҳақида миш-мишлар тарқалди.
Бу уларнинг муносабатига қисқа муддатли таъсир кўрсатди, жуфтлик 2023 йилнинг февраль ойида ажрашди, бироқ кейин яна бирга бўлишди.
Бироқ Ҳакан ўз севгилиси ва Сабанжилар учрашувини ташкил этишга муваффақ бўлгач, ҳамма нарса ўзгарди. Бу бизнесмен ўзининг севгилиси сифатида Ҳандени олиб келган дўстининг тўйида содир бўлди. Мухлислар Арзу ўғлининг танлаган қизини меҳмонга таклиф қилмагани ва уни нейтрал ҳудудда кутиб олганидан норози бўлишди. Бироқ бу учрашувдан кейин барчаси ўзгарган.
Ҳозирда жуфтлик расмий равишда тадбирларда бирга чиқа бошлади. Ҳакан Канн кинофестивалига учиб борди ва у ерда Ҳанде билан бирга суратга тушди. Турк оммавий ахборот воситалари жуфтликнинг шахсий ҳаёти билан боғлиқ янгиликларни мухлисларга тақдим этиб боради.
Изоҳ (0)