Лионель Месси тўп сураётган “Интер Майами” АҚШ очиқ Кубоги финалига йўл олди (видео) 

Футбол бўйича АҚШ очиқ Кубоги ярим финалида “Интер Майами” 24 август тонгида “Синсиннати”га қарши баҳс олиб борди.

“Интер Майами” рақиби устидан ғалаба қозониб, финалга йўл олди (3:3, пенальтилар сериясида 5:4). Месси учрашувни тўлиқ ўтказди ва иккита голли узатмани амалга оширди. Ушбу икки ассистни қабул қилиб олган Леонардо Кампана дубль муаллифига айланди. Шунингдек, Лео пенальтилар сериясида ўзининг имкониятидан фойдаланди. 

“Интер Майами” 27 сентябрь куни “Ҳюстон Динамо” билан финалда баҳс олиб боради. 

Месси илк бор АҚШ очиқ Кубогида иштирок этди. Аввалроқ у фақатгина Лигалар Кубогида ўйнаганди. Ҳужумчи ҳали MLS чемпионатида майдонга тушгани йўқ. 

АҚШ очиқ Кубоги

Ярим финал

24 август, пайшанба

“Интер Майами” — “Синсиннати” 3:3 

Пенальтилар серияси: 5:4