Билим ва малакаларни баҳолаш агентлиги 2023/2024-ўқув йили учун тест синовларида абитуриентларнинг иштироки ҳақида маълумот берди.
Унга кўра, бакалавриат таълим йўналишларига кириш тест синовларида 948 мингдан ортиқ абитуриентдан 888 660 нафари иштирок этди, 59 831 нафари эса иштирок этмади.
Абитуриентларнинг 67 нафари ҳудудга киришда, 148 нафари тест синови жараёнида тартиб-қоидани бузган учун тест синовларидан четлаштирилди.
Четлаштириш ҳолатларининг аксарият қисми тақиқланган воситалар, жумладан, телефон ва шпаргалка олиб кириш ёки олиб киришга уриниш ҳамда абитуриент ўрнига бошқа шахсларнинг киришга уриниши билан боғлиқ.
Тест синови жараёнида четлаштириш ҳолатларининг
- 34 таси (23 фоизи) — Самарқанд вилояти;
- 31 таси (20,9 фоизи) — Тошкент шаҳри;
- 20 таси (13,5 фоизи) — Фарғона вилояти ҳиссасига тўғри келади.
Энг кам қоидабузарлик ҳолатлари эса Қорақалпоғистон Республикаси (1 та) ҳамда Хоразм, Жиззах ва Сирдарё вилоятларида (3 тадан) кузатилди.
Изоҳ (0)