Kapitalbank АТБ ва Узнех крипто-биржаси Ўзбекистонда биринчи криптовалюта картасини ишга туширди 

Криптокарталарнинг Ўзбекистонда пайдо бўлиши уч томонлама ҳамкорлик туфайли мумкин бўлди: Узнех криптобиржаси криптовалюталар операцияларини қайта ишлайди (шу жумладан конвертацияни ҳам), “Kapitalbank” АТБ криптокарталарни чиқаради ва улар бўйича хизмат кўрсатади, Mastercard эса тўловларни амалга ошириш учун платформани тақдим этади.

Криптокарта биткоин ва бошқа криптовалюталарни автоматик тарзда тўлов валютасига айлантириш ва бутун дунё бўйлаб, оддий Mastercard каби тарзда, тўловларни амалга ошириш имконини беради.

Криптокарта бутун дунёда, классик банк карталари билан бир қаторда, қабул қилинади. Тўлашда барчаси одатдагидек бўлади: мижоз картани терминалга қўяди, пин кодини теради - харид амалга оширилади. Аммо, шу билан бирга, мижознинг биткоин ва бошқа криптовалюталар билан биржа ҳамёни банк картаси ҳисобига "боғланган" бўлади. Тўлов пайтида керакли суммадаги криптовалюта тўлов валютасига конвертация қилинади, жараён карта эгаси томонидан қўшимча ҳаракатларни талаб қилмайди, тўлов бир зумда амалга оширилади.

–“Kapitalbank” АТБ доимо илғор банк ечимлари ва маҳсулотлари билан ажралиб туради. Аммо бир йил аввал крипто-карталарни чиқариш ғояси биринчи марта тилга олинганда, бу барчани ҳайратда қолдирди. Бир неча ой олдин эса тест синовлари бошланди. Банк ва биржа ўртасидаги тез ва харидорларга сезилмайдиган конвертация босқичлари туфайли, карта эгалари криптовалюталардан фойдаланиб харидларни ва коммунал хизматлар учун тўловларни амалга ошира бошладилар”, - дейди “Kapitalbank” АТБ бошқаруви раиси Кирилл Майевский.

15 август куни криптокарталар ливе-режимда чиқарилди ва энди тест чекловларисиз ишлаяпти. Тестнинг барча босқичлари аллақачон якунланди ва криптобиржа билан банк кейинги босқични - крипто карталарни чиқариш учун аризаларни қабул қилишни бошлайди.

— Биз Ўзбекистонда биринчи криптокартани ишга туширишни қўллаб-қувватлаймиз. Бу мамлакат фуқаролари учун молиявий операцияларнинг янада кўпроқ эркинлиги, қулайлиги ва хавфсизлигини оширишга қаратилган муҳим қадамдир. Илгари биткоинларни реал дунёга чиқариб олиш учун уларни ихтисослаштирилган биржаларда долларга айлантириш, кейин эса банк картасига қўйиш керак эди. Аммо энди узоқ ва ноқулай чиқариб олиш жараёни ўтмишда қолди. Криптовалюта карталари мавзуси энди жуда долзарб. Mastercard улар билан ишлаш учун минтақада бир нечта пилот лойиҳаларни амалга оширмоқда. Аммо Ўзбекистонда ишга туширилиши – бу Марказий Осиёда бундай криптокарталарни мижозлар кенг доираси фойдаланиши мумкин бўлган илк ҳолатдир”, — деди Mastercardънинг Ўзбекистондаги бош менежери Денис Филиппов.

Криптокарта лойиҳаси Ўзбекистон Республикаси Истиқболли лойиҳалар миллий агентлиги томонидан ўрнатилган махсус тартибга солиш режими остида ишга туширилди. Узнех криптобиржаси ва Kapitalbank криптовалюта карталарини оммавий ишга тушириш ва дистрибуциясини бошлайди – янги мижозлар биржага онбоардинг учун ва криптокарталарга буюртма бериш келаси ҳафтадан амалга оширилади.

Маълумот учун

“Kapitalbank” АТБ - 1,5 миллиондан ортиқ жисмоний шахс-мижозлар ва 40 мингдан ортиқ ташкилот ва якка тартибдаги тадбиркорларга эга, активлари бўйича мамлакатнинг энг йирик хусусий банки ҳисобланади. Ўзбекистоннинг барча ҳудудларида банкнинг 100 дан ортиқ филиаллари фаолият кўрсатмоқда. Банк Mastercard ва Visa тўлов тизимларининг муайян аъзоси ҳисобланади.

Mastercard (NYSE: МА)- тўловлар соҳасида фаолият юритувчи глобал технология компаниясидир. Бизнинг миссиямиз-  хавфсиз, оддий, технологик ва ҳамёнбоп транзакцияларни таъминлаб, ҳамма учун ва барча жойда афзалликларни берадиган рақамли иқтисодиётни ривожлантириш ва мустаҳкамлашдир. Хавфсиз маълумотлар ва тармоқлардан фойдаланиб, ҳамкорликни ўрнатиб ва бизни илҳомлантирадиган нарсаларга таяниб, биз одамларга, молия институтларига, ҳукуматларга ва бизнесга ўзларининг энг катта салоҳиятини рўёбга чиқаришга ёрдам берадиган инновациялар ва ечимларни тақдим этамиз. Биз 210 дан ортиқ иқтисодларда бизнес қиламиз ва барча учун бебаҳо имкониятларни тақдим этадиган барқарор дунёни яратамиз.

Реклама ҳуқуқи асосида.