Шоҳрух Хонни нафақат Болливуд қироли, балки романтика қироли десак ҳам бўлади. Актёрнинг барча аёл партнёрлари билан экрандаги ижроси ва севгини маҳорат билан кўрсатиб бериши унга ҳақли равишда бу унвонни берди. Унинг бу ролларни ижро этишдаги маҳорати бизни қайта-қайта севиб қолишга мажбур қилади. Актёрнинг иқтидори серқирра, у салбий ролларни ҳам яхши ижро этади. Энг қизиғи, Шоҳрух Хон ёвуз қаҳрамон образини яратганида ўзининг актёрлик маҳорати билан фильмлардаги ижобий образни ҳам ортда қолдирган. Қуйида актёрнинг энг яхши салбий роллари ҳақида маълумот берилади.
“Муҳаббат ва қўрқув” — 1993 йил
Шоҳрух Хоннинг шу кунгача экрандаги энг яхши ролларидан бири Раҳул Меҳранинг гўзал Киранга бўлган муҳаббати бўлган. Бу хавфли танлов бўлган, чунки ёш актёр эндигина кинода ўз фаолиятини бошлаган ва абадий ёвуз одам бўлиб қолиши мумкин эди. У ўз вазифасини бажариб, олқишларга сазовор бўлди ва бугунги кун қаҳрамонига айланди.
“Фирибгар” — 1993 йил
Шоҳрух Хон “Фирибгар” фильмида бир оилани йўқ қилиш нияти бўлган Ажай Шарма исмли совуққон қотил ролини ўйнаган. Шоҳрух Хон салбий қаҳрамон сифатида ўзининг актёрлик қобилиятини намойиш этди ва фильм давомида томошабинларни ўзига ром қилди. Унинг Мадан Чопрага ўзининг аслида кимлигини айтиб берган монологи эса жуда ҳайратланарли. У ушбу фильмдаги роли учун “Энг яхши актёр” номинациясида Filmfare мукофотини қўлга киритган.
“Хулоса” — 1994 йил
Фильмда актёр гўзал стюардесса Шиванига ошиқ бўлган бой тадбиркор Вижай Aгниҳотри ролини ўйнайди. Шивани турмушга чиқиш арафасида бўлади, бош қаҳрамон эса уни унута олмай, психопатга айланади ва унинг никоҳини бузишга ҳаракат қилади. Фильм прокатда унчалик яхши натижа бермаган бўлса-да, Шоҳруҳ Хон ўз ижроси учун Filmfare мукофотининг “Энг яхши салбий ролни ижро этган актёр” номинациясида ғолиб бўлди.
“Дон” — 2006 йил
Фильм афсонавий актёр Амитабҳ Баччан иштирокидаги шу номдаги муваффақиятли кинокартинага асосланган. Болливуд қироли Шоҳрух Хон ушбу лойиҳада иккита ролни ўйнади, улардан бири салбий қаҳрамон. Шоҳрух Хон ушбу фильмда собиқ дунё гўзали Приянка Чопра билан биринчи марта партнёр бўлди. Ҳар қандай машҳур фильмни қайта ишлаш осон иш эмас, айниқса, ўз даврининг юлдузи бошқа бир даврнинг машҳур актёри меъёрларига мос келиши керак бўлса, бунинг уддасидан чиқиш қийин бўлади. Бироқ Шоҳрух Хон нафақат Дон образини маҳорат билан ижро этиб берди, балки ўз қаҳрамонини барча замонларнинг классикасига айлантирди.
“Мухлис” — 2016 йил
Фильмда оддий мухлиснинг ёвуз қаҳрамонга айланиши, Шоҳрух Хоннинг ўзи мухлис сифатида тасвирлангани диққатга сазовор. Йигит ўз кумири Арянни туғилган куни билан табриклаш учун Мумбайга боришга қарор қилади, унга совға тайёрлайди. У манзилга етиб келганидан кейин майдонда минглаб мухлислар борлигини кўради, ўз кумири билан учрашишнинг иложи йўқлигини тушуниб етади. Хон билан учрашишга уринган қаҳрамон қамоқхонага тушади. Ғазабланган йигит ташқи кўринишидан фойдаланиб, Арян номи билан ёмон ишларни қила бошлайди, полиция эса унга ишонади.
“Раис” — 2017 йил
Шоҳрух Хон лойиҳада “батарея” деб аташларини ёмон кўрадиган ёвуз кўзойнакли безори ролини ўйнади. Актёр экранда фирибгар образини маҳорат билан гавдалантириб, серқирра актёрлигини исботлади. Раис — ёшлигиданоқ атрофидаги дунёнинг даҳшатли адолатсизлиги ва шафқатсизлигига дуч келган ёш йигит. У яшайдиган жой ҳукумати алкоголни ноқонуний сотишга қарши уруш олиб боради. Кўп йиллар давомида у энг хавфли мафиялардан бирига айланади ва ҳаётида бир вақтлар орзу қилган ҳамма нарсага эришади.
Изоҳ (0)