Эроннинг руҳонийлар ишлари бўйича махсус прокуратураси собиқ президент Ҳасан Руҳонийга молиявий бозорлардаги фирибгарликлари сабабли бир қатор иш қўзғатди, у суд олдида саволларга жавоб бериши керак, деди Эрон суд ҳокимияти матбуот котиби Маъсуд Сетайши. Унинг сўзларини Tasnim агентлиги келтирмоқда.
“Эроннинг собиқ президенти Ҳасан Руҳонийга нисбатан тегишли юрисдикцияга эга бўлган руҳонийлар бўйича махсус прокуратурада бир неча иш қўзғатилган. Эндиликда у бир қанча саволларга жавоб бериши керак бўлади”, деди Сетайши.
Шунингдек, унинг таъкидлашича иш Руҳонийнинг валюта фирибгарлиги, Эрон фонд бозорига аралашуви туфайли қўзғатилган.
Ҳасан Руҳоний 2013 йилнинг 3 августидан 2021 йилнинг 3 августига қадар Эрон президенти сифатида фаолият юритган.
Изоҳ (0)