Туркманистон аҳолиси мамлакатда қолган энг сўнгги хабар алмашиш дастури – ИМЎдан фойдаланиш имкониятидан маҳрум бўлди. Бунга интернет тезлигининг жуда пастлиги сабаб бўлмоқда, деб хабар берди “Азатлик”.
“ИМО энди ишламаяпти, қолган ҳамма ижтимоий тармоқлар анчадан бери блокланган. Ҳатто (хорижий) телеканаллар (интернетдан) йўқолиб қоляпти. Тахминан бир ҳафтадан бери Euronews телеканалини кўра олмаяпмиз”, — деган 3 август куни ашхободликлардан бири “Азатлик”га.
Интернет тезлигининг ўта пастлиги сабаб виртуал хусусий тармоқлардан (VPN) фойдаланиш ҳам имконсиз бўлиб қолган.
“Фойдаланувчилар доимий равишда “Туркментелеком”га мурожаат қилади, лекин алоқа сифати яхшиланмаяпти. Кўпчилик қимматроқ хизмат пакетларини сотиб олади ва кўпроқ пул тўлайди, аммо бу ҳам ёрдам бермайди. Қимматроқ янги хизматлар интернет тезлигига таъсир қилмайди”, — дейилади “Азатлик” хабарида.
Британиянинг “Cабле.cо.ук” компанияси томонидан тайёрланган жаҳон интернет тезлиги-2023 рейтингида Туркманистон 4,4 Мбпс тезлик билан 220 мамлакат ичида 206-ўринни эгаллаб турибди.
“Азатлик” маълумотларига кўра, ИМО Туркманистонда мавжуд сўнгги мессенжер эди. ИCQ апрель ойининг охирида расмийлар томонидан блокланган, WhatsApp, Viber ва бошқа иловалар, шунингдек, Facebook, Twitter, YouTube каби ижтимоий тармоқларга кириш имконияти мамлакатда анчадан бери чекланган. Туркманистондаги воқеаларни ёритадиган аксарият мустақил интернет нашрлар ва хорижий ОАВ веб-ресурслари мамлакат ичида VPNъсиз очилмайди.
Маълумот учун, Туркманистонда миллий ижтимоий тармоқларни яратишга бир неча бор уринишлар бўлган, аммо барчаси муваффақиятсизликка учраган. 2013 йилда Arzuw тармоғи, 2015 йилда “ЙASҲЛЙК.CОМ”, кейинроқ “именами.тм”, 2018 йилда Бизбарде ташкил этилди. Ҳозир бу сайтларнинг ҳеч бири ишламаяпти.
Изоҳ (0)