Туркманистонда республика президенти Сердар Бердимуҳамедов иштирокида 29 июнь куни мамлакатдаги илк “ақлли шаҳар” — Арқадағнинг очилиши шарафига тантанали тадбирлар бошланди, деб хабар бермоқда “Туркманистон-Олтин аср” давлат матбуоти.
ОАВга кўра, янги шаҳар қиёфасида миллий меъморчилик анъаналари ҳамда меъморчилик ва дизайндаги замонавий йўналишлар уйғунлашган. Аҳоли пункти инфратузилмаси халқаро стандартларга жавоб беради, жумладан, экологик соҳада ҳам аҳолига максимал қулайлик яратади. Шаҳар кўчаларида экологик тоза транспорт турлари – электробуслар ва электротаксилар ҳаракатланади.
Худди шу куни, Арқадағ шаҳар телеканали эфирга чиқди, шу номли газетанинг биринчи сони нашр этилди.
Туркманистондаги шаҳарнинг очилиш маросимига 14 давлат ва 12 халқаро ташкилот, жумладан, Бирлашган Миллатлар Ташкилоти, Европада хавфсизлик ва ҳамкорлик ташкилоти, UNESO'дан меҳмонлар келиши ҳақида хабар берилган.
“Азатлик” радиосининг хабар беришича, байрам тадбирларида иштирок этиш учун мамлакатнинг барча вилоятларидан 40 ёшгача бўлган оқсоқоллар ва давлат хизматчилари янги шаҳарга олиб келинган. Журналистларнинг маълумотларига кўра, давлат ташкилотлари ходимлари бундай “иш сафарлари” учун ўз ҳисобидан тўлаган.
Арқадағ шаҳрининг очилиши 29 июнда, республика собиқ президенти, ҳозирда расмий равишда Арқадағ (туркманчадан “ҳомий”) унвонига эга бўлган парламент раиси Гурбангули Бердимуҳамедовнинг туғилган кунида бошланди. Шу куни у 66 ёшга тўлди.
Бироқ унинг ўзи байрамда иштирок эта олмади, чунки катта Бердимуҳамедов Саудия Арабистонига Ҳаж зиёратини адо этиш учун давлат делегациясига бошчилик қилиб кетган, дейилади маҳаллий ОАВ хабарида.
Изоҳ (0)