Туркманистоннинг Қозоғистондаги элчиси Ботир Режепов Ашхободда давлат тўнтаришига уриниш бўлгани ҳақидаги хабарларни рад этди. Бу ҳақда дипломатнинг сўзларига таяниб, Tengrinews хабар берди.
Дипломатга кўра, Туркманистонда давлат тўнтаришига уриниш бўлгани ҳақидаги хабарлар ҳақиқатга тўғри келмайди ва фейк ҳисобланади. Режепов мамлакатда вазият тинч эканини таъкидлади.
Унинг сўзларига кўра, “ваколатли органлар ишончсиз маълумотларни ким ва нима сабабдан қўзғатганини аниқлайди”.
Дипломат, шунингдек, яқинда, 29 июнь куни янги Аркадағ шаҳрининг очилиши муносабати билан мамлакатда йирик тадбирлар ўтказилганини қўшимча қилди.
“Қозоғистондан ҳукумат вакиллари иштирок этди. Бизда ҳаммаси тинч, ҳаммаси нормал режимда”, — деди у.
Нидерландияда жойлашган Тurkmen News нашри аввалроқ июнь ойида Туркманистон пойтахтида маҳаллий хавфсизлик кучлари томонидан қуролли тўнтаришга уринишнинг олди олингани ҳақида хабар берганди.
Эндиликда ушбу хабар муаллифлари барча тафсилотлар аниқлангунига қадар уни нашрдан олиб ташлаганликларини эълон қилди.
Изоҳ (0)