Мухлислар қалбини қайта забт эта олган машҳурлар ҳақида маълумот берамиз. Гап томошабинлар ишончини оқлаган ва иккинчи имконият ҳуқуқидан муваффақиятли фойдаланганлар ҳақида бормоқда.
Марлон Брандо
Марлон Брандо — ўтган асрнинг энг муваффақиятли америкалик актёрлардан бири бўлиб, Ал Пачино ва Роберт Де Ниро каби бугунги буюк актёрлар унинг ижодидан сабоқ олишган. Кўплаб томошабинлар уни Теннесси Уильямснинг “Орзу трамвайи” спектаклидаги Стенли Ковалский роли билан эслашади. Унинг қаҳрамони гарчи ижобий бўлмаса-да, ақлдан озган эркакларга хос жозибага эга эди.
.jpg)
1972 йилда у ўзининг ижодий йўли учун энг зиддиятли ва энг эсда қоларли ролга эга бўлди. Копполанинг “Чўқинтирган ота” асарида у гангстерлар оиласи бошлиғи Дон Вито Корлеоне образини ажойиб тарзда гавдалантирган.
.jpg)
Қизиғи шундаки, дастлаб Paramount киностудияси Брандони суратга олиш ишларига жалб этишдан қатъий бош тортган. Ўша пайтга қадар у ўзининг қўпол феъл-атвори ва спиртли ичимликлар билан боғлиқ муаммолари билан машҳур эди. Аммо бошқа санъаткорлар иштирок этган актёрлик имтиҳонларидан сўнг, бу ролни Брандодан яхшироқ ҳеч ким уддалай олмаслиги барчага, жумладан, киностудия раҳбариятига ҳам аён бўлади.
Эминем
Оқ танли америкалик рэпер янги аср арафасида мусиқа соҳасида ҳақиқий портлаш қилди. Аммо унинг машҳурликкача бўлган йўли осон кечмаган. У Детройтдаги омади юришмаган афро-америкаликлар маҳалласида ўсган ва доимий равишда маҳаллий безорилар томонидан нишонга олинган. 13 ёшида у рэп ёзишни, баттлларда қатнашишни бошлайди. Лекин профессионаллар унинг уринишларини масхара қилишади, бу соҳада ҳеч нарсага эриша олмаслигини қўпол сўзлар билан тушунтиришади. Ўша пайтда рэп фақат қора танли ижрочиларнинг касби эди. Ва бу муҳитда оқ танли малласоч йигитни тасаввур қилиш қийин эди. Аммо ностандарт рэп мусиқачисининг истеъдоди, ёнаётган кўзлари ва жасоратли чидамлилиги билан аста-секин келажакдаги юлдузнинг қора танли тенгдошларини ва кейинчалик бутун дунёни забт этади.
-1.jpg)
Рэпернинг дебют альбоми (Infinite) 1996 йилда чиқади ва иккинчи альбомидан кейин (Slim Shady) Эминем таниқли продюсер Др. Дре билан шартнома имзолайди. Унинг долзарб ва самимий сўзлари авлод мадҳиясига айланади, унда рэпер ирқий камситиш, зўравонлик, гиёҳвандлик, оилавий низолар муаммоларини кўтаради; хафа бўлганини ва безовталанишини ҳиссий ва жасорат билан эълон қилади. Унинг “пастдан” машҳурлик чўққисига олиб борган ижодий йўлининг акси “8 миля” фильми бўлиб, унда рэпер асосий ролни ўйнаган. Ҳатто ташқи шароитлар ҳам мусиқачи учун бешикка айланган муҳитдан нусха кўчиради (фильм Детройтда бўлиб ўтади). Фильм саундтреки қилиб Lose Yourself композицияси танланади — бу рэпер ижодидаги энг муҳим қўшиқлардан биридир.
2013 йилда Эминем ижодида танаффус қилишни хоҳлайди: “Агар ўшанда кетмаганимда, ўзимдан чарчаган бўлардим. Ҳар доим диққат марказида бўлишни ёқтирмайман”. Аммо тўрт йил ўтгач, у ҳаммани ўзи ҳақида ўйлашга мажбур қилади. Аввало у Беёнcе, Эд Ширан, Алиша Кис, Пинк, Кайлани, Phresher, Cкулер Грэй ва Х Амбассадорс иштирокидаги янги Revival (Revival) альбомини чиқаришга тайёрланаётганини маълум қилади. Шу билан бирга, рэпер Дональд Трамп сиёсатини очиқдан очиқ танқид қилувчи ролик чиқаради. Икки ой ичида уни 41 миллиондан ортиқ киши томоша қилган. 2018 йилда Эминем Framed қўшиғи учун клип ишлайди, бу аслида даҳшатли қисқа метражли фильмдир. Унинг кўришлар сони 29 миллиондан ошади.
Шубҳасиз, рэпернинг ижоди ҳали ҳам долзарб бўлиб, тобора кўпроқ янги мухлисларга эга бўлмоқда.
-1.jpg)
Вайнона Райдер
Вайнона Райдер — ўтган асрнинг 90 йилларида Голливудни забт этган америкалик актриса. Унинг қаҳрамонлари катта кўзлари билан қараб турадиган доимо сирли қизлардир. Болалигида у ўзининг ўғил болаларча калта сочлари ва ингичка қомати билан тенгдошларидан жуда фарқ қилар эди, бунинг учун у кўпинча масхара объектига ҳам айланади. Вайнона 12 ёшидан бошлаб Сан-Франсискодаги Америка консерваторияси театрида актёрлик дарсларига қатнай бошлайди ва уч йилдан сўнг Девид Зельцернинг “Лукас” фильмида дебют ролини ўйнайди. Актрисанинг энг яхши вақти Тим Бертон билан танишиш ва 1988 йилда унинг “Битлжус” фильмидаги иштироки эди.
Икки йил ўтгач, режиссёр уни яна ўзининг янги лойиҳасига таклиф қилди, бу нафақат машҳурлик келтиради, балки актрисанинг шахсий ҳаётига ҳам таъсир қилади. Жонни Депп “Эдвард қайчиқўл” фильмида унинг партнёри бўлади ва ёшлар ўртасида романтика бошланади.
Кейинчалик актрисанинг ҳаётида қора чизиқ бошланади. Унинг иштирокидаги фильмлар бирин-кетин муваффақиятсизликка учрайди. Вайнона Райдер ва Ричард Гирнинг “Нью-Йоркдаги куз”даги актёрлик дуэти “Олтин малина”га муносиб кўрилади. “Зўраки миллионер” фильмидаги роли ҳам энг ёмон актёрлик иши учун номинацияга сазовор бўлади. Профессионал соҳадаги муваффақиятсизликлар фонида, актриса дўкондаги ўғрилик учун ҳибсга олинади. Унинг сумкасидан жами 4 500 долларлик 20 та буюм, шунингдек, фақат рецепт бўйича сотиладиган, камёб дори топилади. Суд актрисани айбдор деб топиб, уни жамоат ишларига ва 20 минг доллар жаримага ҳукм қилади. Бу жараёнларнинг барчаси актрисанинг карьерасига таъсир қилади. Бир неча йил давомида у кино саноатидан бутунлай ғойиб бўлиб, кейинчалик ўртамиёна лойиҳаларда пайдо бўлишни бошлайди.
Аронофскининг “Қора оққуш” (2010) фильмидаги иккинчи пландаги роли эсда қоларли бўлди, фильмда Вайнона ҳаётини саҳнасиз тасаввур қила олмайдиган кекса ва асабий балет примаси сифатида пайдо бўлади. Актриса бундай ролга эга бўлганидан жуда хурсанд эди.
Аммо Винона Райдернинг ҳақиқий қайтиши 2016 йилда “Ажабтовур ишлар” фильмининг чиқиши билан юз беради. Фильм ҳам танқидчилар, ҳам томошабинлар томонидан юқори баҳоланади ва Экран актёрлари гилдиясининг “Драма сериалидаги энг яхши актёрлар” мукофотига сазовор бўлади.
Сўнгги пайтларда актриса тобора кўпроқ қизил гиламда пайдо бўлишни ва ўзини эслатишни бошлади.
Жейсон Мамоа
Кино саноатига энг кучли қайтиш Жейсон Момоа билан юз берган. Актёр Гавайи оролларининг пойтахти — Гонолулу оролида туғилган, унинг томирларида гавайи, немис, ирланд ва ҳинд қони оқади. Актёр ёшлигидан спортни яхши кўрарди, бунинг натижасида у мушакдор йигитга айланди. 1998 йилда япон дизайнери Такео Кобаяши Жейсонга эътибор қаратади. Бўлажак актёр сёрфер дўконида ярим кун ишлаш билан бирга ўзини моделликда ҳам синаб кўрди. Бир йил ўтгач, актёрлик карьераси бошланди. Ва дарҳол машҳурликка эришди.
-1.jpg)
“Малибу қутқарувчилари”дан кейин актёр катта лойиҳаларда унчалик кўп қатнашмайди, шунинг учун ундаги ўзгаришлар 4 йил ўтгач, “Юлдузли дарвоза: Атлантида” сериали бошланиши билан сезиларли бўлди.
Аммо энг таниқли ва асосий роль ҳали олдинда эди. Жейсонни Дотракининг даҳшатли раҳбари сифатида дунёга машҳур қилган роль — “Тахтлар ўйини”даги Кҳал Дрого бўлди. Энди актёр нафақат экранда қаттиққўл жангчи ва супер қаҳрамонлар образларини ўзида мужассам этган, балки ҳаётда ҳам уларга ўхшаб борарди. Икки метргача бўлган бўйи, бақувват мушаклари, узун сочлари, қошларини кесиб ўтган чандиқ ва татуировка қилинган танаси — замонамиз Викингига қиёсланди.
2018 йилда “Аквамен” фильмининг биринчи қисми премьераси бўлиб ўтади (иккинчиси 2023 йилга режалаштирилган), унда Жейсон ўз халқини бошқариш учун ажойиб кучга эга бўлган Атлантис сувости салтанатининг вориси ролини ўйнайди.
Изоҳ (0)