Ўқув фаолиятини яхшилаш, синфдаги тартибсизликларни олдини олиш ва болаларни кибербуллингдан ҳимоя қилиш учун мактабларда мобил телефондан фойдаланишни тақиқлаш керак. Бу ҳақда ЮНЕСКО ҳисоботига таяниб, The Guardian хабар берди.
Таъкидланишича, смартфонлардан кўп фойдаланиш ўқув натижаларининг пастлиги билан боғлиқ. Техникидан кўп фойдаланиш эса “ўз-ўзини назорат қилиш ва ҳиссий барқарорликка салбий таъсир кўрсатиши, ташвиш ва депрессияни кучайтириши мумкин”.
“Умуман рақамли технологиялар, хусусан, сунъий интеллект таълимда ‘инсонга йўналтирилган ёндашув’га бўйсуниши ҳамда талабалар ва ўқитувчилар ўртасидаги юзма-юз мулоқот ўрнини босмаслиги керак”, — дейилади хабарда.
“Онлайн мулоқот инсоннинг жонли мулоқотини алмаштира олмайди”, — деди ЮНЕСКО Бош директори Одре Азуле.
Технология миллионлаб одамлар учун таълим имкониятларини очиш потенциалига эга бўлса-да, имтиёзлар нотекис тақсимланади ва кўплаб паст даромадли одамлар рақамли таълимдан фойдалана олмайди.
200 та давлатдаги таълим тизимлари таҳлилига кўра, ҳар тўрт мамлакатдан фақат биттаси мактабда телефондан фойдаланишни тақиқлайди.
Изоҳ (0)