Россия Халқаро валюта жамғармаси таркибидан чиқиб кетмоқчи

Россиянинг Халқаро валюта жамғармасидан чиқиши ҳақидаги қонун лойиҳаси давлат Думасига тақдим этилди.

Коммунистик партия депутатлари мамлакатнинг ХВЖга аъзолиги ҳақидаги қарорни бекор қилишни таклиф қилишди. Тегишли қарор лойиҳаси давлат Думаси веб-сайтида эълон қилинган.

Резолюция муаллифлари Россиянинг Халқаро валюта жамғармаси ва Халқаро тикланиш ва тараққиёт банки, шунингдек, Халқаро тараққиёт ассоциациясига қўшилиши ҳақидаги протоколни денонсация қилишни таклиф қилмоқда.

Ҳужжатда таъкидланганидек, бу қарор XВФ ва Халқаро тикланиш банкининг “АҚШ раҳбарияти ва уларга яқин бўлган давлатлар талабига биноан амалга оширилаётган санкция сиёсати” билан боғлиқ.

Ҳужжат муаллифлари таъкидлашича, XВФга аъзолик Россияни “пул мустақиллиги”дан маҳрум қилади ва рубль курсини назорат қилиш имкониятидан маҳрум қиладиган пул-кредит сиёсатини юритишга мажбур қилади. 

Шунингдек, рублнинг алмашув курсини хорижий валютага боғлаб қўйишни талаб қилади.