Тошкент шаҳар Олмазор туманида 26 июль куни уйлардан бири ёниб кетди. ФВВ ҳолат юзасидан маълумот берди.
Унга кўра, 26 июль куни соат 19:50 да Тошкент шаҳри Олмазор тумани “Хончорбоғ” МФЙ Шарофиддин Илоҳий кўчасида жойлашган уйларнинг бирида ёнғин содир бўлаётгани тўғрисида ФВБга хабар тушган. 6 та ёнғин-қутқарув экипажи соат 19:53 да воқеа жойига етиб бориб, ёнғин соат 20:15 да ўраб олинган ва соат 20:36 да бартараф этилган.
Ёнғин натижасида уйнинг тахминан 250 кв/м майдонда томи, шифти ва жиҳозлари ёниб зарарланган. Ёнғин оқибатида фуқароларни куйиш тан жароҳати олиш ва ҳалок бўлиш ҳолатлари бўйича хабар келиб тушмади.
Ҳодиса сабаби ва моддий зарар миқдори аниқланмоқда. Воқеа жойига ФВВ раҳбарияти, шаҳар ва туман ФВБ раҳбар ходимлари етиб борган.
Изоҳ (0)