Агар ҳар куни ушбу рўйхатдаги камида 6 та маҳсулот диетангизда бўлса, бир неча ҳафтадан сўнг ижобий ўзгаришларни сезасиз.
Олма
Ушбу машҳур мевада мия ҳужайраларини зарарли таъсирлардан ҳимоя қилувчи табиий флавоноид бўлган кверсетин моддаси мавжуд. Олма клетчатка манбаи бўлиб, тўқлик ҳисси ва озишга ёрдам беради. Бир дона ўртача катталикдаги олма кундалик истеъмол қилинадиган клетчатканинг тахминан 16 фоизини ўз ичига олади. Нидерландия олимларининг фикрича, оқ мағизли мевалар (жумладан, нок) инфаркт хавфини 50 фоизга камайтириши мумкин.
Банан
Кўп аёллар бананни юқори калорияли мева деб ҳисоблаб, рад этади. Аммо бу жуда фойдали мевадир! Ўртача катталикдаги бананда тахминан 100 ккал, 3 грамм клетчатка ва кўп миқдорда калий мавжуд. Бу қон босимини назорат остида ушлаб туриш имконини беради. Болаларга банан беринг: ўтган йили Британияда ўтказилган тадқиқот шуни тасдиқладики, ҳар куни банан истеъмол қилиш болани астма аломатларидан ҳимоя қилиши мумкин.
.jpg)
Ўрмон мевалари
Голубика мевасини яхши кўрмаслик мумкин эмас — бу резаворлар антиоксидантларга бошқаларига қараганда кўпроқ тўйинади. Улар саратон касаллигига қарши курашади, мия фаолиятини оширади ва юрак саломатлигини қўллаб-қувватлайди. Барча резаворлар сингари голубикани музлаткичда сақлаш мумкин. Умуман, резаворларнинг ҳаммаси ҳам аёллар учун зарур бўлган кучли антиоксидант — эллагик кислотага бой.
Ананас
Қандай озиқ-овқатлар аёллар учун фойдали? Ушбу тропик меванинг 150 грамм мағзи C витаминининг кунлик дозасини беради, бу биринчи навбатда инфекцияларга қарши туришга ёрдам беради. Иккинчидан, коллагеннинг фаол синтези учун ажралмас ҳисобланади. Айнан шу протеин терини ёш ва эластик сақлаш учун жавобгардир.
Исмалоқ
Битта сабзавот бир вақтнинг ўзида бир нечта муҳим витаминлар манбаи бўлиши жуда ёқимли. Исмалоқ таркибида А, C, К витаминлари ва фолий кислотаси мавжуд бўлиб, улар яхши кайфиятга таъсир қилувчи моддалар ишлаб чиқаришни рағбатлантиради.
Кале карами
Бу карам брокколи каби кенг тарқалмаган, лекин у озуқавий таркиби билан ҳақиқий чемпиондир. Ярим стакан майдаланган карам таркибида К витамини кунлик қийматининг 420 фоизи мавжуд бўлиб, у организмда муҳим рол ўйнайди ва суяк саломатлигига таъсир қилади.
Консерваланган ва янги лосось балиғи
Ёғли балиқ омега-3 ёғ кислоталарининг биринчи рақамли манбаи бўлиб, юрак хасталиги ва ҳатто, инфаркт эҳтимолини камайтиришга ёрдам беради. Бундан ташқари, бу кислоталар бахт гормони сифатида танилган серотонин даражасини оширади. Консерваланган лосось тунесга қараганда камроқ симобга эга бўлиб, кўпинча газак сифатида ва салатлар учун ишлатилади.
Сули ёрмаси
Овсянка холестерин даражасини пасайтирадиган клетчаткага бой, бу эса қориндаги ёғлардан қутулишни истайдиганлар учун айни муддао. Овсянкадан қилинган бўтқани резаворлар, бир қошиқ асал ва зиғир уруғи билан бирга истеъмол қилинг.
Донли маҳсулотлар
Донли маҳсулотларни мунтазам истеъмол қиладиган одамлар қориндаги ёғларни осонроқ йўқотадилар. Жигарранг гуруч ва буғдойдан тайёрланган макарон тез-тез столингиз устида бўлиши керак. Яна бир муҳим маҳсулот перловка бўлиб, у нафақат клетчаткани, балки ўсимлик оқсилини ҳам ўз ичига олади. Перловкани сабзавот билан пиширинг ва аёллар учун фойдали мукаммал кечки овқатга эга бўласиз.
Дуккаклилар
Клетчатка ва ўсимлик оқсилининг асосий манбаи, шунингдек, Б витаминлари, синк, темир ва магнийга бой. Қора ловия организмнинг ҳимоя кучини оширадиган антиоксидантлар омборидир. Нўхат ҳақида ҳам унутманг — яқинда ўтказилган тадқиқот шуни кўрсатдики, уларни ўз рационига киритганлар зарарли таомларни камроқ истеъмол қиладилар.
Табиий йогурт ва кефир
Бу озиқ-овқатлар тез тўйинганлик туйғусини беради ва таркибида оқсил миқдори юқори бўлгани учун вазнингизни назорат остида сақлашга ёрдам беради. Табиий йогуртда товуқ гўштига қараганда кўпроқ протеин мавжуд. Бундан ташқари, табиий йогурт ва кефирда пробиотиклар — иммунитетни оширадиган фойдали бактериялар бор.
Шоколаднинг яна бир фойдаси
Қора шоколад таркибидаги флавоноидларнинг кўплиги туфайли у гипертония ва ҳатто, инфаркт хавфини камайтиради. Кембриж университетининг янги тадқиқоти шуни кўрсатдики, шоколадни (қора ёки сутли) яхши кўрадиган одамлар юрак-қон томир касалликларига чалиниш эҳтимоли ўзларига бир бўлак бўлса ҳам рухсат бермайдиганларга қараганда 37 фоиз камроқ.
Шакар ўрнига асал
Асал фойдаси учун шакардан воз кечинг. Қайта ишланган оқ шакар ўрнига чой ёки қаҳвага бир қошиқ асал қўшинг. Бу алмаштириш сизнинг иштаҳангизга ижобий таъсир қилиши мумкин. Шакар билан солиштирганда, асал очлик гормони деб номланувчи грелин гормони ишлаб чиқаришни секинлаштиради. Айнан у мияга овқатланиш вақти келганлиги ҳақида сигнал беради. Аммо барибир асал жуда юқори калория маҳсулотидир. 1 ош қошиқ асал таркибида 22 ккал бор, шунинг учун эҳтиёт бўлиш фойдадан ҳоли бўлмайди.
Изоҳ (0)