Америкалик актёр Дуэйн Жонсон Amazon компаниясининг премьерасига оз муддат қолган “Қизил” фильмидаги роли учун рекорд даражада, аниқ қилиб айтганда 50 миллион доллар гонорар олди.
Оммавий ахборот воситаларининг хабарларига кўра, Дуэйннинг даромади кино тарихидаги актёрларнинг битта лойиҳадаги роли учун олган гонорари орасида рекорд ўрнатди. “Қизил” лойиҳасидан олдин унинг максимал гонорари 23,5 миллион долларни ташкил қилган, актёр “Форсаж: Хоббс ва Шоу” фильмидаги иштироки учун шунча миқдорда даромад олган. Дуэйн “Капитан Америка: Фуқаролар уруши” фильмидаги Темир одам роли учун 40 миллион доллар олган Роберт Даунини ортда қолдирди.
Шунингдек, роли учун энг кўп гонорар олган актёрлар бешлигидан Жонни Депп (“Кариб денгизи қароқчилари: Номаълум соҳиллар”даги роли учун 35 миллион доллар), Уилл Смит (“Озодлик”даги иштироки учун 35 миллион доллар) ва Киану Ривз (“Матрица” фильмининг иккита қисмидаги роли учун 30 миллион доллар) жой олган.
Дуэйн Жонсон яқинда Люк Хоббс ролига қайтиши ва “Форсаж” франшизасининг янги спин-оффида иштирок этишини маълум қилди. Жонсон Вин Дизел билан бирга янги лойиҳада продюсер сифатида ҳам ишлайди.
Изоҳ (0)