Тошкент шаҳри кўчаларида 80-рақамли автобус йўналишида 10 га яқин тонировкали автобуслар ҳаракати йўлга қўйилгани айтилмоқда. Бу ҳақда Telegram’даги Tashkent_Land канали хабар қилди.
![](/static/photo_2023-07-17_20-27-46.jpg)
Ёзилишича, айрим автобуслар ичидаги дераза пардалари олиб ташланиб, уларнинг ўрнини тонировка эгаллаган. Бу орқали йўловчилар турли тери касалликлари, хавфли ултрабинафша нурларидан сақланиши кўзда тутилган.
![](/static/photo_2023-07-17_20-27-45.jpg)
“Бизга норасмий манбалардан маълум бўлишича, бундай автобуслар сони 10 га яқин”, — дейилади хабарда.
Аввалроқ “Тошшаҳартрансхизмат”га йўловчиларни ташишда кўриладиган зарарларни қоплаш учун 18 миллиард сўм ажратилгани, Тошкентдаги 32 та автобус йўналишида “кунлик план” бекор қилингани ҳақида хабар берилган эди.