EastFruit 2023 йилнинг март—июнь ойларида Ўзбекистон рекорд миқдорда пиёз экспорт қилганини маълум қилди.
Мутахассислар маҳсулотнинг мамлакатдан экспорт қилинишига қўйилган чекловлар бекор қилинганидан кейин ўсишни қайд этди. 2023 йил январь ойи бошида ички бозорда аномал совуқликдан кейин нархларнинг ошишини ушлаб туриш мақсадида пиёз экспорти тақиқланган эди.
Чекловлар апрель ойининг охиригача 4 ойлик муддатга жорий этилди. Ўзбекистон пиёзи экспортининг 95 фоизи Евросиё иқтисодий иттифоқи мамлакатлари бозорларига етказиб берилган. Асосий давлатлар қуйидагилар:
- Қозоғистон — 129,4 минг тонна (умумий экспортнинг 58,1 фоизи);
- Россия — 70,1 минг тонна (31,4 фоиз);
- Қирғизистон — 8,1 минг тонна (3,6 фоиз);
- Беларусь — 4,8 минг тонна (2,1 фоиз).
Март ойи ўрталаридан июнь охиригача хорижга 222,8 минг тонна пиёз жўнатилди. 2022 йилнинг шу даврига нисбатан бу кўрсаткич 53 фоизга ошган.
Россияда пиёз нархи тарихдаги максимал кўрсаткични қайд этди
2023 йил май ойида Россия дўконларида пиёзнинг ўртача нархи килограмми учун 73,3 рублга (салкам 9500 сўм) етди. Бу Росстат кузатувлари тарихидаги камида 2000 йилдан буён максимал кўрсаткичдир.
Ўзбекистон, Тожикистон ва Қозоғистонда қиш аномал совуқ келиши фонида пиёз етишмовчилиги юзага келиб, унинг нархи қимматлашган.
Россия бозорига пиёз етказиб берувчи асосий давлатлар Миср, Хитой, Туркия ва Ўзбекистон ҳисобланади.
2022 йилнинг январь—ноябрь ойларида Россия ушбу мамлакатлардан мос равишда 46 минг тонна, 22 минг тонна, 20 минг тонна ва 17 минг тонна пиёз олган.
Изоҳ (0)