Украина мудофаа вазири Алексей Резников Украина НАТОга аъзо бўлишига ишонч билдирди ва бунга далил келтирди. Бу ҳақда “TCH.uа” хабар берди.
Резниковнинг фикрича, альянснинг ўзи Украинани НАТОга қўшишдан манфаатдор, чунки у Россияга қарши жанговар тажрибага эга.
“Агар Россия НАТО учун асосий таҳдид бўлса, ҳамкасб мудофаа вазирларига оддий саволим бор: Агар дунёда фақат битта давлат Россия армиясини қандай ушлаб туриш, уни жанг майдонида қандай мағлуб этиш ва НАТОнинг замонавий қуролларидан фойдаланган ҳолда ғалаба қозониш бўйича замонавий, самарали ва муваффақиятли тажрибага эга бўлса, Украинани НАТОга қабул қилиш учун сизга яна қандай далилларни келтириш керак?” — деди Резников.
Шу билан бирга, у “Украина де-факто НАТО давлати экани ва де-юре НАТО давлатига айланади”, деб қўшимча қилди.
Украинанинг НАТОга аъзо бўлишга интилиши
Аввалроқ Украина президенти Владимир Зеленский мамлакатнинг НАТОга кириши Россиядан ҳеч ким қўрқмаслиги ва Путинни ўз ўрнига қўйишининг муҳим белгиси бўлишини айтганди. У Киевга Евроатлантика интеграциясидан бошқа хавфсизлик кафолатлари керак эмаслигини билдирганди.
НАТО бош котиби Йенс Столтенберг альянс саммити чоғида Украинага “кўп йиллик ёрдам пакети” берилишини айтди. Бу саммит давомида Украина бўйича қабул қилинган учта асосий қарордан бири бўлади.
Изоҳ (0)