Профессионал бокснинг ярим ўрта (-66,6 кг) вазн тоифасида ҳаракат қиладиган Шаҳрам Ғиёсов жаҳон чемпионлиги камари учун жанг қилиши мумкин.
Ярим ўрта вазнтда (-66,6 кг) жанглар олиб борадиган Вержин Ортис энди супер ярим ўрта вазнга (-69,8 кг) ўтади. Бу ҳақида унинг промоутери Оскар дела Ҳоя хабар берган.
Ортис 8 июль куни WBA Regular камари эгаси Эимантас Станионисга қарши жанг қилиши керак эди. Бироқ соғлиғидаги муаммолар сабаб жанг бекор қилинди. Вержиннинг ўрнига Шаҳрам Ғиёсов Станионисга қарши рингга кўтарилиши мумкин.
Эслатиб ўтамиз, Ғиёсов сўнгги жангини 18 июнь куни америкалик Ҳаролд Калдеронга қарши ўтказиб, очколар ҳисобига ғалаба қозонган эди. Мазкур ғалаба эвазига Ғиёсов WBA чемпионлик камарига мажбурий даъвогарга айланган эди.
Изоҳ (0)