“ПСЖ” президенти Носир ал-Ҳелайфи Килиан Мбаппе атрофидаги гап-сўзларга изоҳ берди.
Менинг позициям аниқ. Ҳар доим Килиан қолишни хоҳласа, уни олиб қоламиз, дея такрорлайвермайман. Лекин у янги шартнома имзолаши керак.
Дунёнинг энг яхши футболчисини компенсациясиз қўйиб юбора олмаймиз. Бунинг иложи йўқ. Бу француз клуби.
Унинг ўзи текинга кетмаслигини айтган эди. Агар бугун Килиан фикрини ўзгартирган бўлса, бу менинг айбим бўлади. Уни текинга қўйиб юбормаймиз, бу аниқ.
У эркин агент сифатида клубни тарк этиши мумкинлигини эшитиб, ҳайратга тушдим. Мбаппе бундай гапларни гапирмагани аниқ. Француз клубидан текинга кетиб, зарар етказиш? Килиан ундай йигит эмас.
Мбаппе ўн кун, максимум икки ҳафтада қарор қабул қилиши лозим. Агар шартномани узайтиришни хоҳламаса, эшиклар очиқ. Бу нафақат Килианга, балки клубнинг исталган футболчисига тегишли. Клуб футболчидан муҳимроқ. Ҳеч ким клубдан устун бўлолмайди, ҳаттоки мен ҳам.
Аввалроқ Килиан Мбаппе 2024 йилда клубни тарк этишини маълум қилганди. Футболчига асосий харидор “Реал” бўлиб турибди. Маълумот учун, мадридликлар Килиан Мбаппе учун 200+20 миллион евро таклиф қилган, бироқ парижликлар 250+50 миллион евро талаб қилганди. Англиянинг “Ливерпуль” клуби ҳам франциялик футболчи учун курашга киришгани хабар қилинганди.
Изоҳ (0)