Португалия президенти, 74 ёшли Марселу Ребелу де Соуза Лиссабон Янги университетининг Фан ва технология факультетига ташрифи чоғида йиқилиб тушди. У ҳушини йўқотди, атрофидагилар президентни қўлларида кўтариб олиб кетди. Шундан сўнг давлат раҳбари Карнаксейддаги Санта-Крус касалхонасига етказилди.
Кейинроқ президент офиси раҳбари Фернандо Фрутуосо де Мело Португалия раҳбарининг “кайфияти яхши” эканини, “тезда ўзига келганини” айтди. Унинг тушунтиришича, Ребелу де Соуза жазирама иссиқдан ва “тиғиз жадвал” туфайли ҳушидан кетган бўлиши мумкин. Президент ётқизилган касалхона директори Мигел Мендес ҳам Ребелу де Соузанинг дастлабки текширув натижалари нормал чиққанини айтди ва давлат раҳбарини иссиқ урган бўлиши мумкинлигини таъкидлади.
АҚШ президенти Жо Байден 1 июнь куни Колорадодаги Ҳарбий-ҳаво кучлари академиясида диплом топшириш маросими вақтида саҳнада йиқилиб тушган эди. Унга ҳаво кучлари зобити ва АҚШ махфий хизматининг икки ходими ёрдам берган.
Аввалроқ Замбияда президент мамлакат пойтахти Лусакада ўтказилаётган ҳарбий парад чоғида ҳушидан кетган.
Изоҳ (0)