Россия Хавфсизлик кенгаши раиси ўринбосари Дмитрий Медведевнинг айтишича, агар НАТО давлатлари, биринчи навбатда, АҚШ Украинага қурол етказиб беришни тўхтаца, уруш бир неча кун ичида якунланади.
Шу билан бирга, у ҳар қандай урушни тугатиш йўллари ҳақида гапира туриб, ядро қуролидан фойдаланиш имкониятини тилга олди. Медведев тинчлик шартномасини оммавий қирғин қуролига муқобил деб атади.
“Агар НАТО, биринчи навбатда, АҚШ ва унинг вассаллари Украинага қурол етказиб беришни тўхтаца, у ҳолда бир неча ой ичида махсус ҳарбий операция якунланади. Ва агар улар ҳозир қурол-яроғ етказиб беришни тўхтацалар, у ҳолда махсус ҳарбий операция бир неча кундан кейин тугайди”, деб жавоб берди Медведев журналистларга.
Дмитрий Медведевнинг фикрича, ҳар қандай урушни қисқа вақт ичида, жумладан, тинчлик шартномасини имзолаш орқали тугатиш мумкин.
“Ёки 1945 йилда америкаликлар ядро қуролини ишлатиб, Япониянинг иккита шаҳарини - Хиросима ва Нагасакини бомбардимон қилганидек урушни тугатиш мумкин. Ўшанда ҳақиқатан ҳам ҳарбий амалиёт тўхтаганди. Лекин бу иш 300 минг нафар тинч аҳолининг ҳаётини қурбон қилиш орқали рўй берган”, — дея қўшимча қилди Медведев.
Изоҳ (0)