Россия президенти матбуот котиби Дмитрий Песков Хитой етакчиси Си Цзиньпин Владимир Путинни Украинада ядро қуролидан фойдаланишдан огоҳлантиргани ҳақидаги хабарларни уйдирма деб айтди.
Россия ва Хитой раҳбарларининг ядро қуролидан фойдаланмаслик ҳақидаги суҳбати ҳақида Financial Times хабар берганди. Мулоқот Хитой раҳбарининг март ойида Москвага ташрифи чоғида бўлиб ўтгани айтилган.
“Йўқ, мен буни тасдиқлай олмайман”, — деди Кремль матбуот котиби.
Песков давлат раҳбарлари ўртасидаги музокаралар мазмун-моҳияти учрашув якунида қабул қилинган ҳужжатларда баён этилганини, қолган нарсалар “уйдирма” эканини таъкидлади.
Хитойнинг Украина урушидаги позицияси
Пекин Украинанинг ҳудудий яхлитлиги тарафдори, бироқ уруш ҳақида фикр билдираётганда бетараф қолади.
“Хитойнинг Украинага нисбатан позицияси тинчлик музокараларини қўллаб-қувватлашдан иборат. Хитой томонларни оқилона бўлишга ва тинчлик музокаралари учун биргаликда шарт-шароит яратишга чақиради”, — деган Хитой раҳбари.
Сиёсатчи Еврокомиссия президенти Урсула фон дер Ляен ҳам иштирок этган учрашувда Пекин ҳар доим ўз манфаатларидан келиб чиқиб, ўз позициясини мустақил белгилашини айтганди. У устувор вазифа ҳарбий ҳаракатларни тўхтатишга кўмаклашиш, урушни кескинлаштириш ва муаммоларнинг кучайишига йўл қўймаслик эканини билдирган.
Изоҳ (0)