Самарқанд вилоятидаги умумтаълим мактабларининг бирида мактабни аъло баҳоларга тугатган ўқувчига олтин медаль берилмагани айтилди. Вилоят Мактабгача ва мактаб таълими бошқармаси ҳолат юзасидан тушунтириш берди.
Самарқанд шаҳридаги 29-умумтаълим мактаб маъмуриятининг маълум қилишича, Мирзомусо Олимов 2018/2019-ўқув йилида (7-синфда) тасвирий санъат фанидан оралиқ назоратидан 4 баҳо олган. 2019/2020-ўқув йилида (8-синфда) адабиёт, ўзбек тили ва физика фанларидан 4 баҳо, 2019 йил 29 ноябрь куни адабиёт фанидан, 2020 йил 20 январь ва 20 февраль кунлари ўзбек тили фанларидан 2 баҳо олган. 2020/2021-ўқув йилида ўзбек тили, инглиз тили, информатика, география, физика, иқтисодиёт фанларидан оралиқ назорат ишларидан 4 баҳо олган.
Ушбу сабабларга кўра, Вазирлар Маҳкамасининг 2017 йил 15 мартидаги 140-сонли қарорига асосан, 9-синфни битиришда имтиёзли шаҳодатнома берилмаган. Мактабни олтин медаль билан битириш талабларидан бири ўқувчи 9-синфни имтиёзли шаҳодатнома билан тамомлаши лозим экани таъкидланган.
Изоҳ (0)