Чеченистон раҳбари Рамзан Қодиров ўзининг Telegram каналида 24 июнь куни Ростовга жўнатилган жангчиларга миннатдорлик билдирди.
“Мен уларнинг ҳаракатларини жуда самарали ва пухта ўйланган деб баҳолайман. Аҳоли яшайдиган шаҳардаги ҳар қандай ҳарбий ҳаракат оммавий қурбонларга олиб келиши мумкин эди. Жангчилар қатъий буйруққа мувофиқ ҳаракат қилишди ва ўзларига юкланган вазифани аъло даражада бажаришди”, деб ёзди у.
Ростовга “Ахмат” махсус кучлари қўмондони Апта Алаудинов ва “Север-Ахмат” полки командири Заинди Зингиев жўнатилган эди. Чеченистон раҳбарининг таъкидлашича, уларнинг ҳарбий амалиётлар зонасидаги позицияларини захира гуруҳлари “муваффақиятли эгаллаб турибди”.
“Худога шукр, вазият тўқнашувларсиз тугади. Йигитларимиз юқори жанговар шайлик ва биринчи буйруқдаёқ Ватанни ҳимоя қилишга жасорат кўрсатишди”, — деди Қодиров.
Изоҳ (0)