Пол Маккартни The Beatles гуруҳининг сунъий интеллект ёрдамида ёзилган сўнгги қўшиғи чиқарилишини эълон қилди. У бу ҳақда BBC радиостанциясига берган интервьюсида сўзлаб берди.
Бироқ Маккартни айнан қайси қўшиқ ҳақида гапираётганини айтмаган. BBC бу тарона Жон Ленноннинг 1978 йилда ёзилган Nоw and then треки эканлигини тахмин қилмоқда. Гап шундаки, Ленноннинг ўлимидан деярли 15 йил ўтиб, унинг севгилиси Ёко Оно Маккартнига мусиқачининг “Пол учун” ёзуви туширилган иккита аудиокассетани совға қилган. Улар орасида 1995 йилда чиқарилган Free as a bird ва Real love композициялари бор эди.
Маълумот ўрнида, 2022 йилда афсонавий мусиқачи Жон Леннон вафот этганига 42 йил тўлди. Марк Девид Чепмен хонандани отиб қўйган, Жон кўп қон йўқотганлиги сабабли вафот этган. Ҳозирда қотил Нью-Йоркдаги колониялардан бирида умрбод қамоқ жазосини ўтамоқда.
Изоҳ (0)